Дар Чин машқҳои якҷояи ситодии мақомоти салоҳиятноки СҲШ «Сямин 2015» мегузаранд
Душанбе, 14.10.15. (АМИТ «Ховар»). Мутобиқи Қарори қаблшудаи Шӯрои сохтори зиддитеррористии минтақавии Созмони ҳамкории Шанхай 14 октябри соли 2015 дар қаламрави Ҷумҳурии Мардумии Чин бо мақоми танзимкунандаи Кумитаи Иҷроияи СЗТМ (Созмони зиддитеррористии минтақавӣ) и СҲШ машқи якуми якҷояи ситодии мақомоти салоҳиятноки давлатҳои аъзои Созмони ҳамкории Шанхай ҷиҳати муқовимат ба истифодаи шабакаи интернет бо мақсадҳои террористӣ, ҷудоиандозӣ ва ифротгароӣ «Сямин 2015» ҷараён дорад.
Дар машқи зиддитеррористӣ ҳайатҳои мақомоти салоҳиятноки давлатҳои аъзои СҲШ ва Кумитаи Иҷроияи СЗТМ СҲШ ширкат доранд.
Мақсадҳои асосии машқи «Сямин 2015» чунинанд:
— такмили механизмҳои фаъолияти якҷояи мақомоти салоҳиятноки давлатҳои аъзои СҲШ барои ошкорнамоӣ ва ҷилавгирии истифодаи шабакаи интернет бо мақсадҳои террористӣ, ҷудоиандозӣ ва ифротгароӣ;
— омӯзиши ҷиҳатҳои ҳуқуқӣ, имкониятҳои ташкилию техникӣ, ҳамчунин тартиби фаъолияти мақомоти салоҳиятноки давлатҳои аъзои СҲШ ҷиҳати муқовимат ба истифодаи шабакаи интернет бо мақсадҳои террористӣ, ҷудоиандозӣ ва ифротгароӣ.
Ҳайати фармондеҳон ва ҳайати шахсии мақомоти салоҳиятноки давлатҳои аъзо дар ҷараёни роҳандозии чорабинӣ умуман малакаҳои тарҳрезӣ, омодагирӣ ва рӯи кор овардани чорабиниҳоро ҷиҳати ошкорнамоӣ, огоҳонӣ ва ҷилавгирии фаъолияти тахриботии созмонҳои террористӣ дар шабакаи интернет такмил медиҳанд.
Роҳбарони ҳайатҳои иштироккунандаи машқҳои «Сямин 2015» сатҳи баланди ташкили онро қайд намуда, омодагии худро ба роҳандозии доимии чунин чорабиниҳо ба манзури таҳкими ҳамкорӣ ва фаъолияти якҷояи мақомоти салоҳиятноки давлатҳои СҲШ ҷиҳати муқовимат ба ҳамагуна зуҳуроти терроризм ва дастгирии сулҳу амнияти минтақа иброз медоранд.








МегаФон Тоҷикистон: МегаҚувва гигабайтҳоро дучанд менамояд
Имрӯз дар водиҳои Тоҷикистон ҳаво то 22 дараҷа гарм мешавад
Ҳамкории Тоҷикистон ва Созмони ҳамкории иқтисодӣ баррасӣ гардид
Дар Кумитаи хоҷагии манзилию коммуналӣ бахшида ба Рӯзи Президент чорабинии тантанавӣ баргузор гардид
Дар шаҳри Панҷакент маркази хизматрасонӣ ва тарабхона ба истифода дода шуд
Дар Кӯлоб барои омодагӣ ба ҳолатҳои фавқулода ҷаласа доир шуд
Бахшида ба Рӯзи Президент дар шаҳри Бӯстон Рӯзи дарҳои кушод доир гардид
ПАНҶАКЕНТИ ҚАДИМ. Оид ба омӯзиши он конференсияи илмӣ баргузор шуд
Дар шаҳри Панҷакент фаъолияти корхонаҳои саноатӣ тақвият меёбад






