Донишҷӯёни Қӯрғонтеппа кирдорҳои сарвартарошонро маҳкум карданд

Қӯрғонтеппа, 29.10.15. (АМИТ «Ховар»). — Беш  аз  4,5  ҳазор  нафар  донишҷӯёни Донишгоҳи  давлатии  Қӯрғонтеппа ба  номи  Носири  Хусрав зимни  иқдомашон алайҳи кирдорҳои  душманони  халқи  тоҷик, ки   зери  ниқоби  ислом халқу  давлатро  бадном  мекунанд, душманони  миллатро  маҳкум  намуданд.
Донишҷӯён  дар  ҷараёни  суханрониашон   зикр  намуданд, ки сарвартарошон бо кирдорҳои  худ  дар  кишварҳои Ғарб худро   тавре  нишон  медиҳанд, ки   гӯё  ҷонибдори  сулҳу  суботи Тоҷикистонанд, вале  дар  асл бо  айби онҳо одамони  бегуноҳ қурбони  амалҳои  касифонаи  онҳо  мегарданд. 
Донишҷӯён  дар  муроҷиатномаи   худ   унвонии  созмонҳои  байналмилалӣ  ва  кишварҳое, ки Муҳиддин  Кабирӣ ва  хоини  дигари  Ватан   Додоҷон  Атовуллоев алҳол  дар  он ҷо  мебошанд, изҳор  доштанд, ки хоинон бо  истифода  аз  маблағҳои  созмонҳои  байналмилалӣ кор  мекунанд, онҳо  барои  кирдорҳои  ношоистаашон  бояд ҷазо  бинанд. 
Донишҷӯён  дар  муроҷиатнома  ҳамчунин  зикр  намуданд, ки Тоҷикистон  Ватани  ҳар  кадоми онҳост ва  ҷавонон  ҳамеша тайёранд, ки  кишвари  худро  ҳифз намоянд. «Ояндаи  кишварамон дар  дасти  худи  мост ва  мо сулҳу  суботи  мамлакатро  ҳифз  мекунем», — изҳор  доштанд донишҷӯён.