«Нелегал-2015»: 1 шаҳрванди хориҷӣ бо қарори суд аз қаламрави ҷумҳурӣ берун карда шуд
Душанбе, 13.09.2015. (АМИТ «Ховар»).- Дар асоси фармоиши якҷояи Вазорати корҳои дохилии Ҷумҳурии Тоҷикистон, Кумитаи давлатии амнияти миллии ҶТ ва Вазорати меҳнат, муҳоҷират ва шуғли аҳолии ҶТ марҳилаи якум аз 11 май то 29 май ва аз 21 сентябр то 9 октябри соли 2015, марҳилаи дуюми чорабиниҳои фаврӣ -пешгирикунанда ва амалиёти махсус оид ба мубориза бар зидди муҳоҷирати ғайриқонунии шаҳрвандони кишварҳои сеюм, аз ҷумла хариду фурӯши одамон таҳти унвони шартии «Нелегал-2015» аз тарафи Раёсати ВКД, Раёсати КДАМ ва Раёсати ХМ ВММША ЧТ дар вилояти Хатлон гузаронида шуданд.
Зимни амалиёти «Нелегал-2015» нисбат ба 1 шаҳрванди хориҷӣ барои риоя накардани қоидаҳои будубош дар қаламрави Ҷумҳурии Тоҷикистон бо моддаи 499 қисми 1 Кодекси ҳуқуқвайронкунии маъмурӣ парвандаи маъмурӣ оғоз шуда, бо қарори суди шаҳри Курғонтеппа аз қаламрави ҷумҳурӣ берун карда шуд.
Инчунин дар ҳудуди ноҳияи Кумсангир нисбат ба шаҳрвандони хориҷӣ барои бе иҷозатномаи корӣ ва ғайриқонунӣ машғул шудан ба фаъолияти меҳнатӣ бо моддаи 138 қисми 3 Кодекси ҳуқуқвайронкунии маъмурӣ парвандаи маъмурӣ оғоз ва ба маблағи 800 сомонӣ ҷаримабандӣ шуданд.
Чорабиниҳои фаврӣ- пешгирикунанда ва амалиёти махсус 9-уми октябри соли ҷорӣ хотима ёфтанд.
16 июл дар якчанд кумитаю идора нишасти матбуотӣ баргузор мегардад
НИШАСТИ МАТБУОТӢ. Дар корхонаҳои саноатии ноҳияи Шоҳмансур ба маблағи беш аз 600 миллион сомонӣ маҳсулот истеҳсол шудааст
Имрӯз дар шаҳри Душанбе ҳаво то 40 дараҷа гарм мешавад
Имрӯз дар водиҳои Тоҷикистон ҳаво то 42 дараҷа гарм мешавад
НИШАСТИ МАТБУОТӢ. Дар ширкатҳои сохтмонии ҶСК Неругоҳи барқи обии «Роғун» 1120 нафар бо ҷойи кор таъмин гардиданд
Имрӯз дар ноҳияҳои кӯҳии Тоҷикистон ҳаво то 36 дараҷа гарм мешавад
Ба истироҳатгоҳи «Ҳамсафар» зиёда аз 300 кӯдак ҷалб мешавад
