Пуштибонии аксари мардуми Русия аз ҳамлаҳои ҳавоии Русия дар Сурия

Душанбе, 16.10.2015 (АМИТ «Ховар»).- Бар асоси натиҷаҳои  як назарсанҷии нав беш аз 70 дарсади мардуми Русия аз ҳамлаҳои  ҳавоии  Маскав бар зидди  террористҳо дар кишвари бӯҳронзадаи  Сурия ҳимоят мекунанд. Маркази Левада, ки як муассисаи  назарсанҷии мустақил дар Русия аст , ин назарсанҷиро аввалҳои  моҳи октябр бо пурсиши  ҳазору шашсад  нафар  анҷом додааст.
Тибқи ин баррасӣ, 72 дарсади посухдиҳандагон аз ҳамлаҳои  ҳавоии кишварашон  бар зидди мавзеъҳои  гурӯҳҳои террористӣ ҳимоят мекунанд , 14 дарсад бо ин ҳамлаҳо  мухолиф ҳастанд ва 14 дарсад аз назардиҳӣ худдорӣ кардаанд. 
Ҳамчунин  47 дарсади ширкаткунандагон дар ин назарсанҷӣ муътақиданд, ки  Маскав бояд аз Башор Асад, раисҷумҳури қонунии  Сурия дар мубориза бо гурӯҳҳои террористии такфирӣ  ҳимоят  кунад, ҳарчанд 28 дарсад мегӯянд,  Маскав бояд аз дахолат дар ин даргириҳо парҳез кунад.