Қ. Расулзода: «Тоҷикистон таҳти роҳбарии Эмомалӣ Раҳмон дар самти расидан ба ҳадафҳои стратегӣ устувор қадам мениҳад»

Душанбе, 30.10.2015. (АМИТ «Ховар»). — «Имрӯз амнияти минтақавӣ ва байналмилалӣ давраи мураккаберо аз сар гузаронида истодааст. Таҳдиду хатарҳои дорои хусусияти иқтисодӣ афзуда истодаанд. Тоҷикистон таҳти роҳбарии Президент Эмомалӣ Раҳмон дар самти расидан ба ҳадафҳои стратегӣ ва баланд бардоштани рушди иқтисодӣ дар ҳамкорӣ бо шарикони хориҷӣ, махсусан дар фазои собиқ Шӯравӣ устуворона қадам мениҳад», — изҳор дошт Сарвазири Ҷумҳурии Тоҷикистон Қоҳир Расулзода зимни истиқболи иштирокчиёни ҷаласаи Шӯрои сарони ҳукуматҳои Иттиҳоди Давлатҳои Мустақил 30 октябр дар Душанбе.
Қ. Расулзода аз ҷумла таъкид кард, ки ҳоло маълум гардид тамоюли тағйирёбӣ дар ҷаҳон баланд боқӣ мемонад. «Хусусияти ҳамбастагӣ ва ҷаҳонишавӣ ин аст, ки вазъияти дар як кишвар ба амаломада метавонад бевосита ё муттасил ба вазъи иҷтимоию иқтисодии ҳамаи кишварҳои иштирокдори ИДМ таъсир расонад»,-афзуд Сарвазири Ҷумҳурии Тоҷикистон.
Иштирокдорони ҷаласаи Шӯрои сарони ҳукуматҳои ИДМ имрӯз санадҳои ҷамъбастиро ба имзо расониданд.