Сарвазири Тоҷикистон: Пурзӯр кардани сиёсати ҷавонон масъалаи муҳим аст

Душанбе, 30.10.2015.(АМИТ «Ховар»).-«Дар заминаи  тамоюлҳои  охири   ҷаҳон  дар  самти  пешгирии шомилшавии ҷавонон ба ҳизбу ҳаракатҳои гуногуни террористӣ имрӯз барои Тоҷикистон масъалаи муҳим- кор бо ҷавонон ва тақвияти ҷаҳонбинии  равонии  сиёсати ҷавонон ба ҳисоб меравад». Ин нуктаро имрӯз, 30 октябр  Қоҳир Расулзода- Сарвазири Ҷумҳурии Тоҷикистон   дар  ҷаласаи  ҷамъбастии  Шӯрои сарони ҳукуматҳои  давлатҳои  иштирокдори  ИДМ иброз дошт. 
Сарвазири мамлакат ҳамчунин таъкид  кард, ки   дар робита ба пешгирии гароиши ҷавонон ба ташкилоти террористӣ дар ҷаласаи мазкур, баррасии масъалаҳои муҳиме, чун  сиёсати  ҷавонон, амаликунии стратегияи байналмилалии ҳамкории ҷавонон  ва «Стратегия оид ба рушди тарбияи ҷисмонӣ ва варзиш»  хеле саривақтӣ ва муҳим ба  ҳисоб меравад.