Шахсони номаълум дар вилояти Лугар мактаби духтаронаро оташ заданд

Душанбе, 29.10.15. (АМИТ «Ховар»). — Дар  шаҳри Пули Алам,  маркази  маъмурии  вилояти Лугари  Афғонистон,   шахсони  номаълум  бинои  мактаби  духтаронаро  оташ  заданд. 
Мувофиқи  маълумоти  пешакӣ тахминан соати 3 — и  шаб  ду  нафар шахсони  мусаллаҳ  бинои  мактабро  оташ   зада, аз  маҳалли  воқеа  нопадид шудаанд. 
Забонаҳои оташ ҷиҳоз, асбобҳои таълимӣ ва ҳуҷҷатҳои  бисёр  биноҳои  мактабро   нобуд  сохтанд. Намояндагони  Вазорати  маорифи Афғонистон   ваъда  додаанд, ки вақтҳои  наздиктарин  бинои  мактаб таъмир  карда  мешавад, хабар  медиҳад  агентии «Хома пресс».