Суғд: сафарбаркунии муҳоҷирони меҳнатӣ барои кор ба Русия

Хуҷанд, 30.10.2015. (АМИТ «Ховар»).-Чанде пеш дар шаҳри Хуҷанд байни Раёсати Хадамоти муҳоҷирати Вазорати меҳнат, муҳоҷират ва шуғли аҳолии ҶТ дар вилояти Суғд ва ҶДММ “Матрий групп” созишномаи ҳамкорӣ ва ҳамзамон бо Агентии бокортаъминкунӣ дар хориҷа оид ба ҳамкорӣ  гуфтушуниди муфид ба анҷом расид.
Тавре ки ба АМИТ “Ховар” масъулин аз раёсати хадамоти мазкур дар Суғд иттилоъ доданд, тибқи он дар доираи ҳамкории сеҷониба, чанде пеш  15 муҳоҷири меҳнатӣ ба шаҳри Шахтаи вилояти Ростови Федератсияи Русия сафарбар гардиданд.
Бояд гуфт, ки тибқи созишнома ширкатҳои мазкур дар асоси шартномаи меҳнатӣ муҳоҷирони меҳнатиро то Федератсияи Русия расонида, ононро бо ҷои кор, маоши хуб, манзили зист ва шароити зарурӣ таъмин намуда, ҳамчунин фаъолияти меҳнатии онҳоро расмӣ мегардонанд.