Тавилдара: Суръатбахшӣ ба корҳои сохтмонӣ ва навсозӣ

Тавилдара, 28.10.2015 (АМИТ «Ховар»).-Дар ноҳияи Тавилдара сохтмони бинои Суд дар маркази ноҳия аз ҳисоби Шӯрои адлияи Ҷумҳурии Тоҷикистон  ба маблағи  1 миллиону 254 ҳазору 80 сомонӣ ҷараён дорад.
Гуфта мешавад, ки дар баробари корҳои сохтмонӣ дар ноҳия бинои Нозироти андоз аз ҳисоби Кумитаи андоз ба маблағи  2 миллиону 100 ҳазор сомонӣ,  4  синфхонаи иловагӣ дар назди муассисаи таҳсилоти умумии рақами 9 аз ҳисоби Вазорати маориф  ва илми Ҷумҳурии Тоҷикистон бо маблағи  280  ҳазор сомонӣ  бунёд мешаванд. 
 Инчунин таъмиру барқарорсозии 3,6 км роҳ,  иваз намудани 600 метр обноваҳо ва бо равшанӣ таъмин намудани 1,5 км роҳи маркази ноҳияи Тавилдара ба маблағи 3 миллиону 700 ҳазор сомонӣ  идома доранд.