Ваҳдат: Кумак ба ниёзмандон барои давраи зимистон

Ваҳдат, 26.10.2015 (АМИТ «Ховар»).- Ҷамъияти матлуботи шаҳри Ваҳдат тибқи нақшаи корӣ барои зимистонгузаронӣ ба 14 иштирокчии ҶДҶ ва 3 оилаи бесарпаноҳмонда  ба маблағи нуҳ ҳазор сомонӣ ангишт кумак кард.
Соли ҷорӣ кормандони ҷамъияти мазкур 320 тонна ангишт захира намуданд ва 180 тоннаи онро бо нархи нисбатан арзон ба фурӯш бароварданд, ки ҳоло захира ва фурӯши ангишт дар ҳудуди шаҳр давом дорад.
Гуфта мешавад, ки Ҷамъияти матлуботи шаҳри Ваҳдат барои ғанӣ гардонидани бозори истеъмолӣ ва танзим намудани  нархи маҳсулоти кишоварзӣ дар фасли зимистон  100 тонна пиёз, 50 тонна картошка, 20 тонна ғаладона захира намудааст, ки он  20 ноябр ба фурӯш бароварда мешаванд.