Қаллобӣ ба маблағи зиёда аз 21 000 доллар

Душанбе, 24.11.15.(АМИТ «Ховар»).-23-юми ноябр ҳангоми гузаронидани чорабиниҳои фаврӣ-ҷустуҷӯӣ кормандони милитсия сокини 49-солаи ноҳияи Спитаменро ҳамчун гумонбар дар ҷинояти қаллобӣ дастгир намуданд. Муайян карда шуд, ки гумонбаршуда моҳи августи соли 2014 бо роҳи фиреб ба бовари зани 38-солаи шаҳри Душанбе даромада, аз ӯ 6000 доллари амрикоӣ гирифта, то ҳол барнагардонидааст.
Ҳамчунин номбурда, бо ҳамин роҳ ба бовари сокини 62-солаи ноҳияи Нуробод даромада, аз ӯ 9500 доллари амрикоӣ гирифта, то ҳол  барнагардонидааст.
Ӯ ҳамин тариқ бо роҳи фиреб ба бовари сокини 56-солаи шаҳри Душанбе даромада, аз ӯ низ 6000 доллари амрикоӣ гирифта,   барнагардонидааст. Гумонбаршуда дар маҷмӯъ аз шаҳрвандон 21 500 доллари амрикоӣ гирифта, онҳоро барнагардонидааст. Аз рӯи ҳодиса парвандаи ҷиноӣ оғоз гардида, тафтиш давом дорад.