Ҳалокати 14 муҳоҷир бар асари садамаи киштӣ дар Туркия

Душанбе, 12.11.15. (АМИТ «Ховар»). – Назар  ба  хабари  Агентии иттилоотии  Доған,  рӯзи  чоршанбеи  гузашта  бар  асари  садамаи  киштии  муҳоҷирон  дар  соҳили  Чанаққали Туркия қариб  14  нафар  ҳалок гардид. 
«Киштии  чӯбини   муҳоҷирон, ки  ба  сӯи  ҷазираи Лесбоси  Юнон  шино  мекард, аз  таъсири тӯфон  дар  Чанаққал  ғарқ  шуд», —  хабар  дод  агентӣ. Соли  2015 тақрибан  400  ҳазор  нафар  гурезаҳо хилофи  қонун тавассути  Туркия ба  Юнон омада, беш  аз 3 ҳазор  нафарашон,  асосан  муҳоҷирони  табааи Сурия,  қурбони  садамаҳои  киштиҳо  дар  баҳри  Эгей гардиданд.