Ҳамоиши «Созандагони ватан» бахшида ба Рӯзи Парчами давлатӣ

Душанбе, 18.11.2015. (АМИТ «Ховар»).-Дар доираи даври дуюми чорабиниҳои ТҶҶ «Созандагони Ватан» бахшида ба пешгирии гаравидани ҷавонон ба гурӯҳҳои ифротӣ ва Рўзи Парчами давлатии Ҷумҳурии Тоҷикистон дар Донишгоҳи давлатии омўзгории Тоҷикистон ба номи С. Айнӣ имрўз ҳамоиши ҷавонон  доир гардид.
Зимни чорабинӣ, ки дар руҳияи озоду созгор баргузор гардид, ба донишҷӯён оид ба ҳадафҳои шуми стратегии ҳизбу гурўҳҳои экстремистию террористӣ гуфта шуда,  омилҳои таъсиррасон ба тафаккури ҷавонон ва роҳҳои пешгирӣ аз ин таъсирҳои манфӣ баён  шуданд. Ҳамчунин зикр гардид, ки Рўзи Парчами давлатӣ аз ҳар яки мо тақозо менамояд, ки нисбат ба ин рамзи давлатӣ, ки омили  муттаҳидкунандаи миллат аст, эҳтиром дошта бошем. 
ТҶҶ «Созандагони Ватан» тасмим гирифтааст, ки чунин чорабиниҳоро дар ҳамаи макотиби олии пойтахт баргузор намуда, 20 ноябри соли равон бахшида ба масъалаи доғи рӯз- ифротгароӣ мизи мудаввар доир намуда, омилҳо ва роҳҳои пешгирӣ аз ифротгароии ҷавононро ба хотири дарёфти механизми минбаъдаи корбарӣ мавриди баррасӣ қарор диҳад.