Барномаи “Эҳёи анъанаҳои миллии сафедоршинонӣ барои солҳои 2016-2020” қабул мешавад
Душанбе, 30.11.2015. (АМИТ «Ховар»).-Бо мақсади таъмини аҳолии вилояти Суғд бо масолеҳи сохтмонии ватанӣ, истифода аз чӯбу тахтаҳои дарахтони сафедори зуд бавоярасанда ва ба ин васила коҳиш додани воридоти чӯбу тахта аз хориҷи кишвар Барномаи “Эҳёи анъанаҳои миллии сафедоршинонӣ барои солҳои 2016-2020” қабул мешавад.
Дар ин бора қарори раиси вилояти Суғд ба тасвиб расид.
Мақсади асосии барнома- ин дастрас намудани масолеҳи сохтмонӣ ва дигар маҳсулоти чӯбӣ дар бозорҳои дохилии кишвар мебошад. Инчунин амалигардонии барнома барои беҳтар намудани шароити иқтисодии мардум, бо ин роҳ кам кардани сатҳи муҳоҷирати шаҳрвандон ба хориҷи кишвар гардида, беҳдошти вазъи муҳити зист, кам сохтани таъсири антропогениро ба ҷангалҳои табиӣ мусоидат менамояд.
Ҳамзамон бунёди сафедорзор барои баланд бардоштани сатҳи маърифатнокии аҳолӣ оид ба самаранокии парвариши дарахтони зуд бавоярасанда дар минтақаҳои кӯҳӣ ва наздикӯҳии вилоят, эмин нигоҳ доштани қабати болоии замин, минтақаҳои муҳофизатии ҷангалзор, мубориза бо биёбоншавӣ ва пешгирии эрозияи заминҳо, пайдо кардани даромадҳои иловагӣ аз фурӯши чӯби корӣ, ҳезум ва дигар масолеҳи аз чӯб тайёршаванда саҳми назаррас дорад.
13 август дар филиалҳои Донишгоҳи давлатии Москва, Донишгоҳи миллии таҳқиқотии технологӣ «МИСИС» ва Мақомоти иҷроияи ҳокимияти давлатии шаҳри Ҳисор нишасти матбуотӣ доир мегардад
НИШАСТИ МАТБУОТӢ. Аз ноҳияи Тоҷикобод 20 ҳазору 600 тонна маҳсулоти кишоварзӣ содирот гардид
НИШАСТИ МАТБУОТӢ. Дар Донишкадаи тиббии иҷтимоии Тоҷикистон Маркази таҳсилоти баъдидипломӣ таъсис дода шуд
НИШАСТИ МАТБУОТӢ. Дар ноҳияи Рӯдакӣ дар шаш моҳ ба маблағи беш аз 487 миллион сомонӣ маҳсулоти саноатӣ истеҳсол карда шуд
Имрӯз дар доманакӯҳҳои Тоҷикистон ҳаво то 36 дараҷа гарм мешавад
Дар Тоҷикистон ҷамъоварии ҳосили гандум идома дорад
Дар Тоҷикистон Фестивали якуми байналмилалии санъати сиркӣ баргузор мегардад
Имрӯз дар Тоҷикистон ҳаво то 39 дараҷа гарм мешавад
