Данғара: озмуни ҷумҳуриявии «Беҳтарин кабинети методӣ» ҷамъбаст гардид

Душанбе, 13.11.2015. (АМИТ «Ховар»). -Вазорати маориф ва илми Ҷумҳурии Тоҷикистон  озмуни ҷумҳуриявии «Беҳтарин кабинети методӣ» -ро дар ноҳияи Данғара ҷамъбаст  намуд. Аъзои ҳакамон  ду иштирокдори озмун: Матлуба Қобилова — намояндаи шуъбаи маорифи ноҳияи Бобоҷон Ғафурови вилояти Суғд ва Ҷӯрахон Юсупов — намояндаи шуъбаи маорифи ноҳияи Данғараи вилояти Хатлонро  бинобар гирифтани холҳои баробар сазовори ҷойи аввал донистанд.  Ба ғолибони ҷойи аввал  2000 сомонӣ  тақдим гардид.
Ду  довталаби дигари озмун: Акбаршо Давлатқадамов — мудири кабинети методии шуъбаи маорифи ноҳияи Ишкошими ВМКБ ва Парвиз Латипов — мудири кабинети методии шуъбаи маорифи ноҳияи Шаҳринав    бо фармоиши вазири маориф ва илми Ҷумҳурии Тоҷикистон бо нишони Аълочии маориф ва илми Ҷумҳурии Тоҷикистон сарфароз гардиданд. Дигар довталабон  бо Ифтихорномаи Маркази ҷумҳуриявии таълимию методии назди Вазорати маориф ва илми Ҷумҳурии Тоҷикистон сарфароз гардонида шуданд. 
Тибқи фармоиши Кумитаи иттифоқҳои касабаи кормандони соҳаи маориф ва илми Ҷумҳурии Тоҷикистон ба ҳар кадом довталаби озмун  роҳхат  ба дилхоҳ санаторияи истироҳатӣ- табобатии  ҷумҳурӣ  тақдим гардида,  ду нафари дигар бо 300 сомонӣ қадр гардиданд.
Дар ин бора аз Вазорати маориф ва илми Ҷумҳурии Тоҷикистон иттилоъ  доданд.