Дар Душанбе конфронси «Тоҷикистону Русия» ва намоишгоҳи амволи Русия доир мешаванд
Душанбе, 11.11.15. (АМИТ «Ховар»). — Дар ҷараёни мулоқоти раиси Палатаи савдо ва саноати Тоҷикистон Шариф Саид ва намояндаи тиҷоратии Федератсияи Русия дар Тоҷикистон Михаил Кораблин масъалаи охири моҳи ноябр дар шаҳри Душанбе доир намудани конфронси 1V ҳамкории байниминтақавии «Тоҷикистону Русия» ва намоишгоҳи амволи Русия таҳти унвони «EXPO Russia — Tajikistan 2015» мавриди муҳокима қарор гирифт.
Тавре ки ПСС ҶТ хабар медиҳад, мусоҳибон вазъу дурнамои рушду таҳкими минбаъдаи муносибатҳои тиҷоратию иқтисодии Тоҷикистону Русияро баррасӣ намуданд.
Беш аз 20 минтақаи Русия хоҳиши иштирокашон дар кори конфронс ва намоишгоҳро тасдиқ намудаанд.
Дар ҳошияи намоишгоҳ роҳандозии биржаи равобит, ҷаласаи умумӣ дар мавзӯи «Натоиҷ ва дурнамои ҳамкории байниминтақавӣ» ва мизҳои мудаввар дар мавзӯъҳои мухталиф дар назар аст.
Дар ҷараёни мулоқот зикр шуд, ки ҳамкории Русия ва Тоҷикистон аз имконоти зиёде бархӯрдор аст. Дар ҳоли ҳозир 75 ниҳоди Федератсияи Русия бо Тоҷикистон ҳамкории мустақими тиҷоратию иқтисодӣ дошта, созишномаҳои дахлдорро имзо намудаанд. Дар ҷумҳурӣ беш аз 25 корхонаи муштараки Русия ва Тоҷикистон фаъолият доранд.
13 август дар филиалҳои Донишгоҳи давлатии Москва, Донишгоҳи миллии таҳқиқотии технологӣ «МИСИС» ва Мақомоти иҷроияи ҳокимияти давлатии шаҳри Ҳисор нишасти матбуотӣ доир мегардад
НИШАСТИ МАТБУОТӢ. Аз ноҳияи Тоҷикобод 20 ҳазору 600 тонна маҳсулоти кишоварзӣ содирот гардид
НИШАСТИ МАТБУОТӢ. Дар Донишкадаи тиббии иҷтимоии Тоҷикистон Маркази таҳсилоти баъдидипломӣ таъсис дода шуд
НИШАСТИ МАТБУОТӢ. Дар ноҳияи Рӯдакӣ дар шаш моҳ ба маблағи беш аз 487 миллион сомонӣ маҳсулоти саноатӣ истеҳсол карда шуд
Имрӯз дар доманакӯҳҳои Тоҷикистон ҳаво то 36 дараҷа гарм мешавад
Дар Тоҷикистон ҷамъоварии ҳосили гандум идома дорад
Дар Тоҷикистон Фестивали якуми байналмилалии санъати сиркӣ баргузор мегардад
Имрӯз дар Тоҷикистон ҳаво то 39 дараҷа гарм мешавад
