Дар Фаронса ғоратгари гаравгонгир кушта шуд

Душанбе, 25.11.15. (АМИТ «Ховар»). — Кормандони  пулис  гаравгононеро, ки ғоратгарон  дар  шаҳри Руби Фаронса  дастгир  намуда буданд, озод  карданд.  Яке  аз  ду ҷинояткор  кушта шуд,  хабар  медиҳад  Агентии  Reuters  зимни  истинод ба   прокурори  шаҳри  Лилл Фредерик Фавра. 
Гаравгонони  озодшуда  дар «ҷойи  бехатар»  нигоҳ  дошта  мешаванд. Ҳамзамон дар  мақомоти ҳифзи  ҳуқуқ бо терроризм  робита доштани ин  ҳамларо  тасдиқ  намуданд. «Аз  афташ,  ин  амалиёти  террористӣ  набуда,  гап  дар  бораи дуздигарӣ  меравад», — изҳор  дошт  намояндаи  мақомоти  хифзи  ҳуқуқ. 
Ҷинояткороне, ки  бо  автоматҳои  Калашников  мусаллаҳ  буданд, рӯзи  сешанбе гаравгононро  дар  шаҳри Руб  асир  карданд. Бар  асари  ҳамла  якчанд  нафар захмӣ  шуд. 
Ин  ҳодиса  баъди  барои тафтиш  сӯиқасдчиёнро  нигоҳ доштани  пулиси  роҳ  рух дод.