Дастгир гардидани гумонбар дар куштори кормандони комиссариати ҳарбӣ
Душанбе, 13.11.2015. (АМИТ «Ховар»). — Дар натиҷаи бурдани чорабиниҳои фаврӣ-ҷустуҷӯӣ имрӯз, 13 ноябр шахси гумонбар дар ҷинояти куштор ва расонидани зарари вазнин ба саломатӣ аз тарафи кормандони Вазорати корҳои дохилӣ дастгир гардид. Ин нафар Умедҷони Амрохон, соли таваллудаш 1994, зода ва сокини шаҳри Кӯлоб буда, ҷинояти мазкурро дар якҷоягӣ бо шарики худ, ки ҳоло дар кофтуков қарор дорад, содир намудааст. Умедҷони Амрохон дар ш. Душанбе муваққатан истиқомат дошта, расман бекор мебошад.
Тавре ки қаблан иттилоъ додем, 7 ноябри соли равон, тахминан соати 07.20 шахсони номаълум ҳангоми дар кӯчаи Деҳотии ш. Душанбе қарор доштанашон, бо кормандони Комиссариати ҳарбии ноҳияи Сино, лейтенанти калон Эгамбердиев Темурхон, майор Мирзоев Пулод, прапоршик Насибов Ҳамза ва ронандаи комиссариати мазкур Саъдуллоев Рустам муноқиша карда, бо корд номбурдагонро захмӣ карда, аз ҷойи ҳодиса ғайб заданд. Дар натиҷа Мирзоев П. ва Насибов Ҳ. ҷароҳатҳои вазнини ҷисмонӣ бардошта, ба ҳалокат расида, дигарон бо ҷароҳатҳои гуногун дар беморхона бистарӣ гардиданд.
Бо мақсади муайян ва дастгир намудани ҷинояткорон бо фармони вазири корҳои дохилӣ Раҳимзода Рамазон Ҳамро гурӯҳи фаврӣ-тафтишотӣ созмон дода шуд.
Сабаб ва ҳолати содир гардидани ҷинояти мазкур муайян мешавад. Нисбат ба далели мазкур парвандаи ҷиноятӣ оғоз гардида, тафтиш идома дорад.
Муовини Сарвазири Тоҷикистон дар ноҳияи Ёвон бо ҷараёни корҳои бартарафсозии оқибатҳои офати табиӣ шинос шуд
Ҷаласаи ташкилоти ибтидоии «Оморчиён»-и Ҳизби Халқии Демократии Тоҷикистон баргузор гардид
Сафири Тоҷикистон бо Раиси Суди иқтисодии ИДМ мулоқот намуд
Имрӯз дар баъзе ноҳияҳои Тоҷикистон боридани боронҳои сел пешгӯӣ мешавад
Имсол кирмакпарварони ноҳияи Хуросон беш аз 10 ҳазор килограмм пилла месупоранд
Дар Тоҷикистон Мусобиқаи ҷумҳуриявии «МегаФон Life бо сабки футбол» оғоз ёфт
Имрӯз дар баъзе ноҳияҳои Тоҷикистон борони кӯтоҳмуддат меборад
Дар озмуни вилоятии «Барномасози ҷавон» 34 довталаб аз муассисаҳои таълимии Бадахшон иштирок намуд
Дар ноҳияи Ёвон Дави миллӣ ва марафони велосипедронӣ баргузор шуд
Бахшида ба 70-солагии таъсиси шаҳри Бӯстон Озмуни шаҳрии «Китобхонаи беҳтарин» баргузор гардид
Кирмакпарварони ноҳияи Панҷ беш аз 78 фоизи нақшаи пилласупориро иҷро намуданд
«ДОНАНДАИ БЕҲТАРИНИ АСАРҲОИ ПЕШВОИ МИЛЛАТ». Даври якуми озмуни ҷумҳуриявӣ дар муассисаҳои таҳсилоти миёна ва олии касбӣ оғоз гардид
