Эрдуғон маъзаратпурсии кишварашро рад намуд

Душанбе, 27.11.2015. (АМИТ «Ховар») — Раиси Ҷумҳурии Туркия Раҷаб Тайип Эрдуғон маъзаратхоҳӣ аз ҷониби Русияро ба хотири сарнагун кардани     ҳавопаймои ҷангии ин кишвар  рад намуд. Эрдуғон зимни мусоҳиба  ба шабакаи хабарии Си Эн Эн-и амрикоӣ гуфт: «Ман фикр мекунам, ки агар ин ҷо тарафе бояд маъзаратхоҳӣ кунад, пас он тараф мо нестем». Дар идома афзуд: «Касе, ки     ҳарими     ҳавоии моро нақз кардааст, ӯ бояд маъзарат пурсад». Тибқи гузориши Агентии хабарии Кувайт Эрдуғон мегўяд, ки  халабонон ва қувваҳои мусаллаҳи мо коре ҷуз вазифаи худ анҷом надодаанд, ки он ҷавоб ба вайрон кардани қоидаҳои     ҳарими     ҳавой буд.