Фарзияи хадамоти кашшофии Амрико: Амалҳои террористии Париж хос ба фаъолияти созмони террористии «Ал-қоида» аст
Душанбе, 14.11.2015 (АМИТ «Ховар») — Тавре ки расонаҳои иттилоотии Русия хабар медиҳанд, хадамоти кашшофии ИМА дар содир шудани силсилаамалҳои террористӣ дар пойтахти Фаронса ва минтақаҳои гуногуни он созмони террористии «Ал-қоида»-ро гумонбар медонад. «Услуб ва тарзи содир кардани амали террористии дар Париж рӯйдода бештар хос ба созмони террористии «Ал-қоида» мебошад, на ба гурӯҳи террористии ба ном «Давлати исломӣ», — навиштааст сомонаи РИА Новости ва илова кардааст, ки ин фарзияро Хадамоти кашшофии Амрико пешбарӣ намудааст. Ҳамлаҳои дар Париж содиршуда бештар ба тарзи корбарии «Ал-қоида» монандӣ доранд, — гуфтааст намояндаи хадамоти ИМА оид мубориза бо терроризми байналхалқӣ.
Хотиррасон мекунем, ки шоми дирӯз, 13 ноябр пойтахти Фаронса- шаҳри Париж ва кулли Аврупоро таркишҳои мудҳиши террористӣ ва тирпаррониҳои шадид такон доданд. Дар натиҷаи амалҳои даҳшатбори террористон зиёда аз 150 нафар ҳалок ва даҳҳо каси дигар захмӣ шуданд. Ҳолати беш аз 40 нафар захмиён хеле вазнину бӯҳронӣ арзёбӣ мегардад. 8 террорист низ кушта шудааст. Вобаста ба ин ҳодисаҳои мудҳиш дар Фаронса вазъияти фавқулодда эълон шудааст.








МегаФон Тоҷикистон: МегаҚувва гигабайтҳоро дучанд менамояд
Имрӯз дар водиҳои Тоҷикистон ҳаво то 22 дараҷа гарм мешавад
Ҳамкории Тоҷикистон ва Созмони ҳамкории иқтисодӣ баррасӣ гардид
Дар Кумитаи хоҷагии манзилию коммуналӣ бахшида ба Рӯзи Президент чорабинии тантанавӣ баргузор гардид
Дар шаҳри Панҷакент маркази хизматрасонӣ ва тарабхона ба истифода дода шуд
Дар Кӯлоб барои омодагӣ ба ҳолатҳои фавқулода ҷаласа доир шуд
Бахшида ба Рӯзи Президент дар шаҳри Бӯстон Рӯзи дарҳои кушод доир гардид
ПАНҶАКЕНТИ ҚАДИМ. Оид ба омӯзиши он конференсияи илмӣ баргузор шуд
Дар шаҳри Панҷакент фаъолияти корхонаҳои саноатӣ тақвият меёбад






