Хабари ВАО дар бораи наҷот ёфтани яке аз аз сарнишинони ҳавопаймои сарозершудаи Су-24

Душанбе, 25.11.15. (АМИТ «Ховар»). — Ҳарбиёни  Сурия  яке  аз сарнишинони ҳавопаймои бомбаандози Су — 24 — ро, ки Қувваҳои  ҳарбии  ҳавоии  Туркия ба  нишон  гирифта буданд, ба ҷойи  дигар  кӯчониданд. Мувофиқи  маълумоти  шабакаи Al Mayfdeen, ҳоло  ӯ дар пойгоҳи  ҳавопаймоии Ҳмеймим, ки  авиатсияи  Русия  дар  он ҷо  мустақар  аст, қарор  дорад. 
Хабар  дода  мешавад, ки сарнишини  дуюми ҳавопаймои  бомбаандози  сарозершудаи Су — 24 — ро ҳарбиёни  Сурия ба  ҷойи  дигар  бурдаанд. Қаблан дар Вазорати  мудофиаи  Русия  хабар доданд, ки мувофиқи  маълумоти  пешакӣ баъди «оташфишонӣ  аз  замин» яке аз  халабонҳо ҳалок шудааст. 
Мувофиқи  маълумоти  шабака, ҷустуҷӯи  сарнишин шаш  соат  давом  кард. Баъди  ин низомиёни Сурия тайи   ду  соат  ӯро  аз  ақибгоҳи  шӯришгарон  бароварда,  бо  роҳи  ҳавоӣ  ба пойгоҳи  Ҳмеймими Латакия  бурданд. Ҳоло  ӯ  дар ҷойи  бехатар  қарор  дорад. 
Шоми   рӯзи  сешанбе  Вазорати  мудофиа хабар  дод, ки яке  аз сарнишинони ҳавопаймои дар  сарҳади Сурияю  Туркия  сарозершудаи Су — 24 ҳалок  гардидааст.  Пеш  аз  ин  намояндагони вазорат мегуфтанд, ки ҳар  ду  сарнишин худро ҳаво  додаанд. Намояндаи  гурӯҳи  туркманҳо  дар  баробари  ин хабар  дод, ки  қувваҳои  шӯришгар сарнишинонро  ҳангоми  бо парашутҳо фуруд омаданашон  парронданд.