Иштироки ҳайати расмии Ҷумҳурии Тоҷикистон дар ҷаласаи 38-уми Конфронси генералии ЮНЕСКО
Душанбе, 04.11.2015. (АМИТ “Ховар”). — 3 ноябри соли 2015 ҳайати расмии Ҷумҳурии Тоҷикистон таҳти роҳбарии Ёрдамчии Президенти Ҷумҳурии Тоҷикистон оид ба масъалаҳои рушди иҷтимоӣ ва робита бо ҷомеа Абдуҷаббор Раҳмонзода, инчунин бо иштироки вазири фарҳанги Тоҷикистон Шамсиддин Орумбекзода, Намояндаи доимии кишвар дар назди ЮНЕСКО, сафир Рустамҷон Солиев ва котиби масъули Комиссияи миллии Ҷумҳурии Тоҷикистон Сарвар Бахтӣ дар ифтитоҳи ҷаласаи 38-уми Конфронси генералии ЮНЕСКО ширкат варзиданд.
Дар ҷаласа аз ҷониби Тоҷикистон вазири фарҳанги Ҷумҳурии Тоҷикистон Шамсиддин Орумбекзода сухан гуфт. Дар баромади худ Ш.Орумбекзода пеш аз ҳама пешниҳоди Президенти Ҷумҳурии Тоҷикистон Эмомалӣ Раҳмонро дар Созмони Милали Муттаҳид оид ба эълон намудани Даҳсолаи нави байналмилалии “Об барои рушди устувор” таъкид карда, аз иштирокчиёни конфронс дархост намуд, ки ташаббуси Роҳбари давлати Тоҷикистонро дастгирӣ намоянд.
Дар баробари ин, вазири фарҳанг оид ба дастовардҳои Ҷумҳурии Тоҷикистон дар рушди соҳаҳои маориф, фарҳанг ва илм ба ҳозирин маълумот пешниҳод намуд. Дар баромад инчунин масъалаи ҳифзи ёдгориҳои моддӣ ва ғайримоддии фарҳангии кишвар зикр шуд.
Ҳамзамон таъкидҳои Президенти кишвар вобаста ба авзои ҷаҳон дар масири мубориза бар зидди терроризм, экстремизми динӣ ва нобуд сохтани ёдгориҳои таърихӣ аз ҷониби гурӯҳҳои ифротӣ ба ҳозирин расонида шуд ва даъват ба амал оварда шуд, ки ҷиҳати ҳифзи ёдгориҳои таърихӣ ва фарҳангӣ дар ҳамбастагӣ бояд иқдом гирифт.
Ҳайати Тоҷикистон инчунин бо масъулини Департаменти фарҳанги ЮНЕСКО вохӯрӣ намуда, масъалаи дастгирии пешниҳодҳои Тоҷикистонро доир ба ворид намудани мероси моддӣ ва ғайримоддии кишвар ба Феҳристи мероси ҷаҳонӣ баррасӣ кард. Ҳамчунин ҳайати расмии кишвар бо раиси тозаинтихоби ҷаласаи 38-уми Конфронси генералӣ Стенли Мутумба Симатаа вохӯрда, ӯро бо 70-солагии таъсиси ЮНЕСКО табрик намуд.
Дар чаҳорчӯби иштирок дар ҷаласаи конфронс ҳайати Тоҷикистон як зумра мулоқотҳоро бо намояндагони кишварҳои узви ЮНЕСКО доир намуд.
Муовини Сарвазири Тоҷикистон дар ноҳияи Ёвон бо ҷараёни корҳои бартарафсозии оқибатҳои офати табиӣ шинос шуд
Ҷаласаи ташкилоти ибтидоии «Оморчиён»-и Ҳизби Халқии Демократии Тоҷикистон баргузор гардид
Сафири Тоҷикистон бо Раиси Суди иқтисодии ИДМ мулоқот намуд
Имрӯз дар баъзе ноҳияҳои Тоҷикистон боридани боронҳои сел пешгӯӣ мешавад
Имсол кирмакпарварони ноҳияи Хуросон беш аз 10 ҳазор килограмм пилла месупоранд
Дар Тоҷикистон Мусобиқаи ҷумҳуриявии «МегаФон Life бо сабки футбол» оғоз ёфт
Имрӯз дар баъзе ноҳияҳои Тоҷикистон борони кӯтоҳмуддат меборад
Дар озмуни вилоятии «Барномасози ҷавон» 34 довталаб аз муассисаҳои таълимии Бадахшон иштирок намуд
Дар ноҳияи Ёвон Дави миллӣ ва марафони велосипедронӣ баргузор шуд
Бахшида ба 70-солагии таъсиси шаҳри Бӯстон Озмуни шаҳрии «Китобхонаи беҳтарин» баргузор гардид
Кирмакпарварони ноҳияи Панҷ беш аз 78 фоизи нақшаи пилласупориро иҷро намуданд
«ДОНАНДАИ БЕҲТАРИНИ АСАРҲОИ ПЕШВОИ МИЛЛАТ». Даври якуми озмуни ҷумҳуриявӣ дар муассисаҳои таҳсилоти миёна ва олии касбӣ оғоз гардид
