Иттифоқи касабаи «Ширкати алюминийи тоҷик» дар пешрафти истеҳсолот саҳми назаррас дорад

Душанбе, 04.11.15. (АМИТ «Ховар»). -Аз таъсиси ташкилоти Иттифоқи касабаи КВД «Ширкати алюминийи тоҷик» 50 сол сипарӣ мегардад. Кулли коргарону кормандони ин корхонаи бузурги саноатӣ барои сазовор истиқбол намудани ин ташкилоти бонуфуз саъю кӯшиши беандоза доранд. Ташкилоти иттифоқи касаба дар мустаҳкам кардани интизоми коргарӣ, ҳавасмандгардонии онҳо аз ҷиҳати моддиву маънавӣ, ҳимояи ҳуқуқи коргарон ва пешравии истеҳсолот саҳми назаррас дорад. 
Бахшида ба ин санаи хотирмон як зумра чорабиниҳои фарҳангӣ, оммавӣ ва варзишӣ доир мегарданд. Дар назар аст, ки рӯзҳои ҷашн пленуми навбатии  Кумитаи марказии «Тоҷикметалл», ҷаласаи Кумитаи иҷроияи «Мот-Саюзметалл» ва ҷаласаи навбатии «Туркметалл» низ баргузор гарданд.