Кормандони АНМН дониши милитсияро такмил медиҳанд

Душанбе, 13.11.2015. (АМИТ «Ховар»).-Аз тарафи кормандони Агентии назорати маводи нашъаовари назди Президенти ҶТ барои ҳайати шахсии шуъбаҳои Вазорати корҳои дохилии Ҷумҳурии Тоҷикистон дар ноҳияҳои тобеи марказ семинари омӯзишӣ гузаронида шуд. Семинарҳои мазкур дар чорчӯбаи нақшаи баланд бардоштани сатҳи фаъолияти мақомоти ҳифзи ҳуқуқ оид ба пешгирии ҷиноятҳои вобаста ба маводи нашъаовар ва истеъмоли воситаҳои нашъадор  ташкил шуд. 
Дар семинар ба иштирокдорон оид ба вазъи вобаста ба маводи нашъаовар дар Тоҷикистон ва минтақа, масирҳои асосии интиқоли маводи нашъаовар, қонунгузорӣ, истилоҳоти вобаста ба муомилоти маводи нашъаовар ва намудҳои нави маводи нашъаовар маълумот пешниҳод шуд. 
Семинар дар ноҳияҳои Рӯдакӣ ва Ваҳдат гузаронида шуда, баргузории он дар ноҳияи Шаҳринав ва шаҳри Турсунзода дар назар аст.