М. Убайдуллоев Ф.Сянжунро ба ҳузур пазируфт

Душанбе, 13.11.2015.(АМИТ«Ховар»).- Маҳмадсаид Убайдуллоев-раиси Маҷлиси миллии Маҷлиси Олии ҷумҳурӣ Фан Сянжун- сафири фавқулодда ва мухтори Ҷумҳурии Мардумии Чин дар Ҷумҳурии Тоҷикистонро бинобар анҷом ёфтани ваколати дипломатиаш ба ҳузур пазируфт.
Маҳмадсаид Убайдуллоев аз фаъолияти мувафаққона анҷомдодаи  Фан Сянжун ҳамчун сафир дар таҳкими муносиботи ҳасанаи Тоҷикистону Чин, хусусан тавсеаи ҳамкории байнипарлумонӣ изҳори сипос намуд. Зикр шуд, ки амалисозии сиёсати пайгирона ва созандаи сарварони кишварҳо дар бахшҳои сохтмони роҳу нақбҳо, нақлиёт, коммуникатсия ва хаттҳои баландшиддати барқӣ, далели муносиботи ҳамҷаворӣ, дӯстӣ ва ҳамкорист. 
Фан Сянжун гуфт, ки минбаъд низ баҳри таҳкими робитаҳои ҳасанаи ду кишвари ҳамсоя саъй хоҳад кард.