Маскав: Вашингтон аз ҳувияти омилони қатли халабони рус огоҳ аст

Душанбе, 27.11.2015. (АМИТ «Ховар») — Сухангўи Вазорати корҳои хориҷии Русия мегўяд, Маскав итминон ёфтааст, ки Вашингтон дар бораи ҳувияти омилони қатли халабони ҳавопаймои ҷангии русӣ, ки нерухои ҳавоии Туркия дар Сурия онро сарнагун карданд, иттилоъ дорад.
Мария Захарова рўзи панҷшанбе дар як конфронси матбуотӣ дар Маскав гуфт: «Бояд таваҷҷуҳи Вазорати корҳои хориҷии Амрикоро ба ин воқеият ҷалб кунам, ки тамоми иттилооти вобаста ба касоне, ки аз замин халабони русро ҳадаф қарор доданд, ҳамрох бо тасвирҳояшон дар шабакаҳои иҷтимоӣ мавҷуд аст».
Вай афзуд, барои мо маълум аст, ки Амрико дақиқан медонад ин афрод чӣ касоне ҳастанд. Вай ҳамчунин изхороти Вазорати корҳои хориҷии Амрикоро дар хусуси ин ки қатли халабони рус дар     ҳоли фуруд омадан бо чатри наҷот дар ростои дифоъ аз худ будааст, носанҷида хонд.