Муҳокимаи масъалаи дастрасӣ ба маблағгузорӣ ба корхонаҳои кишоварзӣ

Душанбе, 13.11.15. (АМИТ «Ховар»). — Роҳбари Раёсати   муносибатҳои  байналмилалӣ Темуралӣ  Афғонов  ва   роҳбари  раёсати  қарздиҳии Бонки давлатии  амонатгузории  Тоҷикистон «Амонатбонк» Илҳом Ҳибатуллоев бо роҳбари  лоиҳаи маблағгузории  хурд ва воситаҳои  молиявии Ҷамъияти ҳамкории байналмилалии  (GIZ) — и  Олмон  Себастян Фариняж мулоқот  анҷом доданд. 
Назар  ба  иттилои  дафтари  матбуоти  бонк,  мавзӯи  асосии  мулоқот   иборат  аз  дастрасӣ ба маблағгузорӣ ба корхонаю  ташкилотҳои  бахши  кишоварзӣ  буд. 
Ҳар  ду  ҷониб  дар  ин  самт  таҷрибаи  зиёде андӯхтаанд, ки  мақсад  аз  он дастгирии   молиявию  техникии аҳолии  машғул ба парвариш, истеҳсол,   нигаҳдорӣ ва  фурӯши  маҳсулоти  кишоварзӣ мебошад.