Муаррифии сомонаи расмии Маҷмааи фарҳангию таърихии «Қалъаи Хуҷанд»
Душанбе, 11.11.2015. (АМИТ «Ховар).- Дар Осорхонаи таърихии вилояти Суғд бахшида ба солгарди қабули Конститутсияи (Сарқонуни) Ҷумҳурии Тоҷикистон таҳти унвони «Конститутсия-пойдевори ҳуқуқии давлат» конфронси илмӣ доир гардид.
Дар конфронс намояндагони Раёсати фарҳанги вилоят, устодону донишҷӯёни ДДХ ба номи академик Б.Ғафуров, намояндагони Осорхонаи миллӣ ва муҳассилини муассисаҳои таълимӣ иштирок доштанд.
Абдуҷалил Бобокалонов-профессори кафедраи таърихи умумии ДДХ дар мавзӯи «Сарқонун-санади сарнавиштсози миллат» маърӯза намуд.
Ш. Шарифов-номзади илмҳои таърих, дотсенти кафедраи таърихи ватании ДДХ оид ба «Қонун- зодаи тафаккур ва эҷоди мардуми ориёӣ» сухан ронда, аз таърихи қонуну қонунгузорӣ маълумот дод.
Ҳамчунин дар ҷараёни конфронс муаррифии сомонаи расмии Маҷмааи фарҳангию таърихии «Қалъаи Хуҷанд» баргузор гардид. мудири кулли МФТ «Қалъаи Хуҷанд» И. Иброҳимов ба иштирокдорон сомонаро муаррифӣ намуд ва Зафар Шафиев, директори маркази технологӣ-иттилоотии «Кова», ки корҳои техникии сомонаро ба уҳда дорад, бахшҳои сомонаро муаррифӣ сохт.
Ин сомона бо суроғаи www.qalai-khujand.tj қобили дарёфт буда, бо ду забон — тоҷикӣ ва русӣ маълумот пешниҳод менамояд.








МегаФон Тоҷикистон: МегаҚувва гигабайтҳоро дучанд менамояд
Имрӯз дар водиҳои Тоҷикистон ҳаво то 22 дараҷа гарм мешавад
Ҳамкории Тоҷикистон ва Созмони ҳамкории иқтисодӣ баррасӣ гардид
Дар Кумитаи хоҷагии манзилию коммуналӣ бахшида ба Рӯзи Президент чорабинии тантанавӣ баргузор гардид
Дар шаҳри Панҷакент маркази хизматрасонӣ ва тарабхона ба истифода дода шуд
Дар Кӯлоб барои омодагӣ ба ҳолатҳои фавқулода ҷаласа доир шуд
Бахшида ба Рӯзи Президент дар шаҳри Бӯстон Рӯзи дарҳои кушод доир гардид
ПАНҶАКЕНТИ ҚАДИМ. Оид ба омӯзиши он конференсияи илмӣ баргузор шуд
Дар шаҳри Панҷакент фаъолияти корхонаҳои саноатӣ тақвият меёбад






