Оғоз шудани тантанаҳои ҷашнӣ дар «Наврӯзгоҳ»-и пойтахт

Душанбе, 24.11.2015 (АМИТ «Ховар»). Бо ибтикори шаҳрдории  Душанбе шоми имрӯз дар «Наврӯзгоҳ»-и пойтахт ба муносибати ҷашни Парчами давлатӣ бо ҳузури 8 ҳазор сокини пойтахт намоиши идона баргузор мегардад. Ҳоло мавҷ-мавҷ сокинону меҳмонони Душанбе, кормандони ташкилоту муасиссаҳои тиб, маориф, хизматрасонӣ, соҳибкорон, ҷавонону модарон барои тамошои ин ҷашни мубораки миллӣ ҷониби «Наврӯзгоҳ» рафта истодаанд.
Ёдовар мешавем, ки ба муносибати ҷашни Парчами миллӣ Сарвари давлат  Эмомалӣ Раҳмон бо Паёми телевизионӣ сокинони мамлакатро табрик карда, Парчами давлатиро рамзи иттиҳоду сарҷамъӣ, давлатдории миллӣ ва мояи ифтихору сарбаландии хурду бузурги мамлакат номид.
Мавриди зикр аст, ки Парчами давлатӣ дар радифи Сарқонуни кишвар, Нишон ва Суруди миллӣ аз рукнҳои муқаддаси миллӣ маҳсуб шуда, таҷассумгари соҳибистиқлолии кишвар ва ифтихори миллатамон аст.