Ғолибони даври якуми олимпиадаи донишҷӯён муайян гардиданд

Душанбе., 5.11.2015. (АМИТ «Ховар»).- Дар факултети физикаю техникаи Донишгоҳи давлатии Хуҷанд ба номи академик Бобоҷон Ғафуров даври аввали омодагӣ ба олимпиадаи фаннии ҷумҳуриявии донишҷӯён аз фанни физика баргузор гардид.
Дар олимпиада 196 донишҷӯи курсҳои 1-4-и ихтисосҳои физика ва физика-математика иштирок доштанд. Барои ҳамаи донишҷӯён 5 масъала аз қисмҳои гуногуни физика вобаста ба бахш пешниҳод гардид.
Ҳакамон, ки аз ҳисоби профессорону дотсентон ва устодони донишгоҳ интихоб гардида буданд,  ғолибони даври якуми олимпиадаро интихоб намуданд.  
Аз рӯи натиҷаҳои даври якуми олимпиада донишҷӯёне, ки аз 10 хол зиёд гирифтанд, барои иштирок дар давраи дуюми олимпиада пешниҳод шуданд. Аз 14 донишҷӯ 11 нафараш ба холи баланд соҳиб шуда, 3 нафари боқимонда мутаассифона, дар давраи дуюми олимпиада иштирок нахоҳанд кард.