Парчами миллӣ ба таҳкими истиқлолияти миллӣ ҳидоятгар аст
Душанбе, 25.11.2015. (АМИТ «Ховар»).-Ба ифтихори рӯзи Парчами миллӣ дар Вазорати кишоварзии Ҷумҳурии Тоҷикистон ҷамъомади тантанавӣ бо иштироки кормандони дастгоҳи марказии вазорат ва зерсохторҳои он доир гардид. Дар ҷамъомад вазири кишоварзии Ҷумҳурии Тоҷикистон М. Зокирзода оид ба аҳамияти таърихии Парчами миллии Тоҷикистон сухан гуфт.
Зикр шуд, ки аз файзи истиқлолият ва неъматҳои муқаддаси сулҳу ваҳдат имрӯз Парчам, Нишон ва Суруди миллӣ ифодакунандаи иқболу истиқлол, иттиҳоду сарҷамъӣ, нангу номус, ватандӯстиву ватанпарастӣ ва ҳувияти миллии мардуми куҳанбунёду фарҳангии мо буда, волотарин мақсаду мароми тоҷиконро дар ҷилои рангҳои худ инъикос намудаанд.
Парчами миллӣ имрӯз ҳамчун нишонаи азму иродаи устувори мардум барои ободии кишвари зебоманзарамон аз соҳибихтиёру соҳибистиқлол будани давлати тоҷикон башорат медиҳад.
Аз ин рӯ, мо бояд ҳамеша саъю талош кунем, ки Парчами миллии мо ҳар фарди бонангу номусро ба ифтихор аз давлату давлатдорӣ, таҳкими истиқлолияти миллӣ ва пеш аз ҳама, ба ҳифзи дастовардҳои он ҳидоят намояд. Кишоварзони ҷумҳурӣ низ бахшида ба ин ҷашни муҳими таърихӣ ба нишондиҳандаҳои назаррас ноил гардида, дар ободонии диёр ва пешрафти Тоҷикистони азиз саҳми назаррас мегузоранд.
Имрӯз дар ноҳияҳои алоҳидаи Тоҷикистон омадани сел пешгӯӣ мешавад
Эъломияи Душанбе оид ба инноватсия ва технологияҳои рақамӣ қабул гардид
Ҷаласаи якуми иҷлосияи сеюми Маҷлиси намояндагони Маҷлиси Олии Ҷумҳурии Тоҷикистон, даъвати ҳафтум баргузор шуд
«ТОҶИКИСТОНИ РАҚАМӢ». Душанбе зимни баргузории Форуми байналмилалии TAJ-TECH 2026 ба майдони бузурги муаррифии дастовардҳои IT табдил ёфт
Дар Тоҷикистон сохтмони хонаҳои истиқоматӣ вусъат ёфтааст
Муассисаҳои буҷетии ноҳияи Тоҷикобод бо ангишти кони Камароб пурра таъмин карда шуданд
Сафири Тоҷикистон дар Амрико дар Форуми сатҳи баланд иштирок намуд
