Пулиси Фаронса аз сокинони Париж хоҳиш кард, ки хонаҳои худро тарк накунанд
Душанбе, 14.11.2015 (АМИТ «Ховар») — Шоми дирӯз, 13-уми ноябр таркиш ва тирпаррониҳои шадид якбора дар чанд мавзеи шаҳри Париж, аз ҷумла дар наздикии варзишгоҳи Стад де Франс, ки он ҷо бозии дастаҳои мунтахаби футболи Фаронса ва Олмон бо ҳузури даҳҳо ҳазор мухлисон, аз ҷумла Президенти Фаронса Франсуа Олланд идома дошт, ба амал омаданд. Тавре ки расонаҳои фаронсавӣ иттилоъ медиҳанд, дар баробари таркишу тирпарониҳо, ҳамчунин гурӯҳи террористон дар толори консертии театри «Батаклан» шумораи зиёди одамонро ба гарав гирифтанд. Зимни ин амали террористӣ, ки дар театри «Батаклан» содир шуд, наздик ба 120 нафар кушта шуда, зиёда аз 40 нафари дигар ҷароҳатҳои вазнин бардоштанд.
Президенти Фаронса ба воситаи телевизион ба шаҳрвандони Фаронса муроҷиат карда, изҳор намуд, ки тамоми чораҳои амниятӣ роҳандозӣ шуда, дар қаламрави Фаронса вазъияти фавқулодда эълон гардидааст. Ҳамчунин сарҳади давлатӣ дар ҳамаи нуқтаҳои сарҳадӣ баста мешавад. Вазорати корҳои дохилии Фаронса аз сокинони Париж ва ноҳияҳои атрофи он хоҳиш кардааст, ки хонаҳои худро тарк накунанд ва ба амалиёти зиддитеррористӣ халал нарасонанд.








МегаФон Тоҷикистон: МегаҚувва гигабайтҳоро дучанд менамояд
Имрӯз дар водиҳои Тоҷикистон ҳаво то 22 дараҷа гарм мешавад
Ҳамкории Тоҷикистон ва Созмони ҳамкории иқтисодӣ баррасӣ гардид
Дар Кумитаи хоҷагии манзилию коммуналӣ бахшида ба Рӯзи Президент чорабинии тантанавӣ баргузор гардид
Дар шаҳри Панҷакент маркази хизматрасонӣ ва тарабхона ба истифода дода шуд
Дар Кӯлоб барои омодагӣ ба ҳолатҳои фавқулода ҷаласа доир шуд
Бахшида ба Рӯзи Президент дар шаҳри Бӯстон Рӯзи дарҳои кушод доир гардид
ПАНҶАКЕНТИ ҚАДИМ. Оид ба омӯзиши он конференсияи илмӣ баргузор шуд
Дар шаҳри Панҷакент фаъолияти корхонаҳои саноатӣ тақвият меёбад






