Саҳми Иҷлосияи ХVI дар барқарорсозӣ ва таъмини рушди иқтисодию иҷтимоии Тоҷикистон
Душанбе, 27.11.2016. (АМИТ «Ховар»).-26 ноябр дар Донишкадаи молия ва иқтисоди Тоҷикистон (ДМИТ) бо ташаббуси кафедраи фаъолияти гумрукӣ бахшида ба 23-солагии Иҷлосияи таърихии ХVI-уми Шӯрои Олии Тоҷикистон таҳти унвони «Саҳми Иҷлосияи ХVI-уми Шӯрои Олӣ дар барқарорсозӣ ва таъмини рушди иқтисодию иҷтимоии Ҷумҳурии Тоҷикистон» мизи мудаввар доир гардид.
Тавре ки котиби матбуоти донишкада Машҳура Абдуллоева хабар дод, дар мизи мудаввар Зариф Ализода — Ваколатдор оид ба ҳуқуқи инсон дар Ҷумҳурии Тоҷикистон, Сафол Мусоев- сардори Донишкадаи такмили ихтисоси Хадамоти гумрук ва Мирзо Абдуллоев — муовини сардори донишкадаи мазкур иштирок намуданд.
Ректори ДМИТ Ашурбой Солеҳзода иброз дошт, ки нақши ин Иҷлосияи тақдирсоз дар рушди иқтисодию иҷтимоии кишвар бебаҳост. Бинобар ин, дар замони имрӯза моро мебояд, ки ба қадри сулҳу субот ва ваҳдати миллӣ расем ва барои баланд бардоштани руҳияи идеявии ҷомеа, аҳамияти ғояи миллӣ ва ватанпарастӣ бикӯшем.
Ваколатдор оид ба ҳуқуқи инсон дар Ҷумҳурии Тоҷикистон Зариф Ализода чун иштирокчии ин иҷлосия хизмати Пешвои миллат Эмомалӣ Раҳмонро дар эъмори сулҳи тоҷикон ва ба даст овардани ваҳдати миллӣ, ки маҳз дар ҳамин иҷлосия асос ёфтааст, муҳим арзёбӣ кард.
Дар ҷамъомад филми мустанад дар бораи таърихи таъсис ва фаъолияти имрӯзаи Хадамоти гумруки назди Ҳукумати ҶТ намоиш дода шуд. Муовини сардори Донишкадаи такмили ихтисоси Хадамоти гумрук Мирзо Абдуллоев дар бораи нақши Иҷлосияи ХVI-уми Шӯрои Олӣ дар таҳкими давлатдории миллӣ ва таъмини рушди минбаъдаи мақомоти гумруки Ҷумҳурии Тоҷикистон андешаҳояшро изҳор кард.
Имрӯз дар водиҳои Тоҷикистон ҳаво то 39 дараҷа гарм мешавад
Дар Филиали Донишгоҳи давлатии Москва дар шаҳри Душанбе ду маркази нави илмӣ ба фаъолият оғоз менамояд
Дар муассисаҳои таҳсилоти олии вилояти Ивановои Федератсияи Русия зиёда аз 600 шаҳрванди Тоҷикистон таҳсил менамоянд
Имрӯз дар ноҳияҳои кӯҳии Тоҷикистон ҳаво то 27 дараҷа гарм мешавад
Имрӯз дар Филиали Донишкадаи энергетикии Москва дар шаҳри Душанбе нишасти матбуотӣ доир мегардад
Филиали Донишгоҳи миллии таҳқиқотии технологӣ «МИСИС»-ро 127 донишҷӯ хатм намуд
Тоҷикистон ва Ҷопон ҳамкориро дар соҳаи энергетика ва захираҳои об густариш медиҳанд
15 хатмкунандаи Филиали Донишкадаи рушди менеҷменти Сингапур тибқи стандартҳои таълимии Британияи Кабир соҳиби дараҷаҳои магистрӣ шуданд
ПАНҶСОЛАИ РУШДИ САНОАТ. Дар ноҳияи Рашт 10 коргоҳи истеҳсолию корхонаи саноатӣ ба истифода дода мешавад
Ғолибони даври дуюми Озмуни ҷумҳуриявии «Тоҷикистон — Ватани азизи ман» муайян гардиданд
Бонки миллии Тоҷикистон аз паҳн гардидани боз як навъи қаллобӣ ҳушдор медиҳад
