Силоҳбадастони «Толибон» дар вилояти Пактиё 10 нафарро гаравгон гирифтанд

Душанбе, 12.11.15. (АМИТ «Ховар»). – Силоҳбадастони  «Толибон»  дар  ҳудуди  вилояти  Пактиёи  Афғонистон  қариб  10  нафарро  гаравгон  гирифтанд. 
Ин  ҳодиса   дар  қитъаи  роҳи  мошингарди  вулусволии  Саид  Карам  рух додааст. Дар  ин  ҷо  шӯришгарон воситаҳои нақлиётиро  боздошта,  мусофиронро  истинтоқ  мекарданд. Маҳалли мавқеияти  гаравгонон  то  ҳол  маълум  нест. 
Намояндагони «Толибон»  аҳолии  осоиштаро гаравгон  гирифта,   ҳамзамон  мегӯянд, ки  шахсони  асиршуда  хидматчиёни  пулиси  маҳаллӣ  мебошанд.
Қаблан  дар  ҳудуди  вулусволии  зикршуда ҳодисаҳои  рабудани чанд  нафар  сокинони  маҳаллӣ рух дода, кӯҳансолони  маҳаллӣ  барои  озод  намудани  асирон  силоҳбадастонро  моил  карда буданд,  хабар  медиҳад Агентии  иттилоотии  «Пажвок».