Таҳияи нақшаи чорабиниҳо барои истифодаи захираҳои табиии кишвар

Душанбе, 02.11.15. (АМИТ «Ховар»). — Муовини  якуми сардори Сарраёсати  геология  Р. Бахтдавлатов ва ҳамоҳангсози лоиҳа  А. Гулмадшоев  дар  кори  ҷаласаи   шӯрои  директорон  оид ба  лоиҳаи «Афзун  намудани  самараи  истифодаи   захираҳои  табиии  барои  беҳбуди  миллии Ҷумҳурии  Тоҷикистон», ки  дар  шаҳри  Эспои   Финляндия  баргузор  гардид,  иштирок  доштанд. 
Дар  ҷаласа натоиҷи  татбиқи  лоиҳаи  соли  2015  ва   нақшаи  тадбирҳо  барои  соли 2016  муҳокима  шуд. Лоиҳаро,  ки барои  се  сол пешбинӣ  шуда, соли  2017  анҷом  меёбад, Финляндия маблағғузорӣ  мекунад.  Дар  хошияи  лоиҳа  барои истифодаи  захираҳои табий  таҷҳизоти  махсус  ба  Тоҷикистон  фиристода,  ҳамтоёни  Финляндия  мутахассисони  тоҷикро таълим  медиҳанд.
Тоҷикистон  захираҳои  бепоёни табиӣ дошта,  мақсад  аз  лоиҳаи  мазкур  истифодаи  самарабахши  захираҳои  обу  замин, ҳифзи захираҳои табиӣ,  ҳамчунин  баланд бардоштани  сатҳи некуаҳволии  мардуми Тоҷикистон  аст.