Тоҷикистону Покистон омодаанд бар зидди терроризму ифротгароӣ муборизаи якҷоя баранд
Душанбе 12.11.2015. (АМИТ «Ховар»). — Зимни мулоқоти Президенти Ҷумҳурии Тоҷикистон Эмомалӣ Раҳмон бо Сарвазири Ҷумҳурии Исломии Покистон Муҳаммад Навоз Шариф имрӯз, 12 ноябр таъкид гардид, ки терроризм ва ифротгароӣ хатари ҷиддӣ ба амнияти ҳар ду кишвар доранд. Вобаста ба ин Эмомалӣ Раҳмон ва Навоз Шариф омодагӣ ва ҳавасмандии ҷиддии худро барои таҳкими ҳамкорӣ дар мубориза бар зидди терроризм ва ифротгароӣ изҳор намуданд. Роҳбарони ду кишвари дӯст зикр карданд, ки барои расидан ва таҳким бахшидан ба амну субот дар Афғонистон татбиқи лоиҳаҳои иқтисодию иҷтимоӣ муҳиму зарур мебошад. Тоҷикистону Покистон ҷаҳду талош хоҳанд кард, то бо татбиқи лоиҳаҳои иқтисодӣ амну субот дар Афғонистон пойдор гардад. Мусоидати ду кишвар ба истиқрори ҳарчи зудтари сулҳу субот дар Афғонистон ҷавобгӯи манфиатҳои миллии Тоҷикистону Покистон ва ба нафъи тамоми минтақа мебошад, зеро имконияти хуберо барои татбиқи ҳар чӣ бештари барномаҳои минтақавӣ фароҳам меоварад.
Ҳамкории Тоҷикистон ва Покистон дар самти мубориза бар зидди терроризми байналмилалӣ, ифротгароӣ, гардиши ғайриқонунии маводи мухаддир, ҷинояткории муташаккилонаи фаромарзӣ ва дигар таҳдидҳо ба амнияти минтақаву ҷаҳон минбаъд низ тақвият меёбад.








МегаФон Тоҷикистон: МегаҚувва гигабайтҳоро дучанд менамояд
Имрӯз дар водиҳои Тоҷикистон ҳаво то 22 дараҷа гарм мешавад
Ҳамкории Тоҷикистон ва Созмони ҳамкории иқтисодӣ баррасӣ гардид
Дар Кумитаи хоҷагии манзилию коммуналӣ бахшида ба Рӯзи Президент чорабинии тантанавӣ баргузор гардид
Дар шаҳри Панҷакент маркази хизматрасонӣ ва тарабхона ба истифода дода шуд
Дар Кӯлоб барои омодагӣ ба ҳолатҳои фавқулода ҷаласа доир шуд
Бахшида ба Рӯзи Президент дар шаҳри Бӯстон Рӯзи дарҳои кушод доир гардид
ПАНҶАКЕНТИ ҚАДИМ. Оид ба омӯзиши он конференсияи илмӣ баргузор шуд
Дар шаҳри Панҷакент фаъолияти корхонаҳои саноатӣ тақвият меёбад






