То оғози даври интихобии мусобиқоти Осиё – 2016 оид ба футзал ду рӯз мондааст

Душанбе, 12.11.15. (АМИТ «Ховар»). – То  оғози  даври  интихобии   мусобиқоти  Осиё – 2016  оид ба  футзал дар  Минтақаи  марказӣ,  ки  аз  14 то  16  ноябр  дар  шаҳри  Хуҷанд  баргузор  мегарданд,  ду  рӯз  мондааст.
Дастаҳои  мунтахаби  Тоҷикистон,  Қирғизистон,  Туркманистон ва  Афғонистон барои  дарёфти  ду  роҳхат ба мусобиқоти  Осиё – 2016,  ки  аз  10  то  21  феврали  соли оянда   дар  Ӯзбекистон баргузор  мешавад,  қувваозмоӣ  менамоянд. Маҷмаи варзишии  «Қасри  варзиш»,  ки  бозиҳо дар  он  сурат  мегиранд,   ба  қабули  варзишгарон  пурра  омода  аст. 13 ноябр  дар  Шаҳри  Қайроқум бахшида ба  оғози  даври  интихобии  мусобиқоти Осиё – 2016 машварат  ва нишасти  матботӣ  баргузор  мегардад.
Дастаи  мунтахаби  Тоҷикистон  14  ноябр бо  дастаи  Афғонистон,  15  ноябр  бо  дастаи  Туркманистон ва   дар  даври  хотимавӣ  бо  дастаи  мунтахаби Қирғизистон вомехӯрад.