Туҳфа аз номи Президент ба капитани милитсия Дилшод Зокиров
Душанбе, 11.11.2015. (АМИТ «Ховар).- Бахшида ба Иди касбии милитсия вазири корҳои дохилӣ Раҳимзода Рамазон Ҳамро ба корманди Дастаи таъйиноти махсуси милитсияи ВКД, капитани милитсия Дилшод Зокиров аз номи Президенти Ҷумҳурии Тоҷикистон Эмомалӣ Раҳмон туҳфаи арзишнок тақдим намуд.
Ин туҳфаро дирӯз вазири корҳои дохилӣ зимни аёдати ӯ дар Беморхонаи Раёсати тиббии ВКД супорида, ҳамчунин аз аҳволи ӯ ва кормандони бемор бохабар гардид.
Вазири корҳои дохилӣ зимни аёдат бо капитани милитсия Дилшод Зокиров ҳамсуҳбат шуда, ӯро бо Иди касбии кормандони милитсия табрик намуд.
Ҳамчунин ба ин муносибат бо фармони вазири корҳои дохилӣ падари корманди Дастаи таъйиноти махсуси милитсияи ВКД капитани милитсия Дилшод Зокиров — Зокиров Муродалӣ, ки худ собиқадори милитсия мебошад, бо медали ҷашнии «Милитсияи Тоҷикистон» сарфароз гардонида шуд.
Дар идома аз номи Ҳукумати кишвар ва Вазорати корҳои дохилӣ ба беморону маҷрӯҳон як миқдор маводи хӯрокӣ, доруворӣ ва маблағи пулӣ расонида шуд.
17 июл дар якчанд идора нишасти матбуотӣ баргузор мегардад
ДАР МАСИРИ ИЛМУ МАЪРИФАТ. Эҳдо ба рӯзи таъсисёбии Коллеҷи омори шаҳри Ваҳдат
Имрӯз дар доманакӯҳҳои Тоҷикистон ҳаво то 37 дараҷа гарм мешавад
НИШАСТИ МАТБУОТӢ. Дар корхонаҳои саноатии ноҳияи Шоҳмансур ба маблағи беш аз 600 миллион сомонӣ маҳсулот истеҳсол шудааст
Имрӯз дар шаҳри Душанбе ҳаво то 40 дараҷа гарм мешавад
Имрӯз дар водиҳои Тоҷикистон ҳаво то 42 дараҷа гарм мешавад
