Ярмаркаи маҳсулоти ниёзи мардум бахшида ба Рӯзи милитсия
Душанбе, 09.11.2015. (АМИТ «Ховар»). — 9-уми ноябр бахшида ба таҷлили Рӯзи милитсия бо ташаббуси роҳбарияти Вазорати корҳои дохилӣ дар шафати бинои вазорат ярмаркаи фурӯши маҳсулоти ниёзи мардум ташкил шуд, ки дар он ҳайати шахсии Вазорати корҳои дохилӣ ва дигар мақомоти ҳифзи ҳуқуқ иштирок доштанд.
Дар ярмаркаи мазкур маҳсулоти хӯрокворӣ аз хоҷагиҳои ёрирасони Вазорати корҳои дохилӣ, хоҷагиҳои деҳқонии шаҳру ноҳияҳои вилояти Хатлон, минтақаи Рашт ва ноҳияҳои тобеи марказ пешкаши харидорон гардиданд. Нархи меваю сабзавот, аз ҷумла себу ангур, ноку хурмо, пиёзу картошка, каду, караму сабзӣ ва дигар маҳсулоти мавриди ниёзи мардум: орд, равған, биринҷ, нахӯд, гӯшту тухм, асал, кабудӣ дар муқоиса бо нархи бозор 50 фоиз арзонтар буданд. Барои мисол нархи ҳама намуд сабзавот 1 сомонӣ, 1 кило гӯшт, асал — 20 сомонӣ, донагӣ 4 сомонӣ, як қуттӣ тухм 13 сомонӣ, 1 килограмм себу нок бо нархи 2 сомонӣ пешниҳод гардиданд.
Харидорон барои ташкили чунин ярмарка ба роҳбарияти Вазорати корҳои дохилӣ изҳори миннатдорӣ намуда, аз иқдоми пешгирифта дар арафаи ҷашни касбии кормандони милитсия хушҳол гаштанд.








МегаФон Тоҷикистон: МегаҚувва гигабайтҳоро дучанд менамояд
Имрӯз дар водиҳои Тоҷикистон ҳаво то 22 дараҷа гарм мешавад
Ҳамкории Тоҷикистон ва Созмони ҳамкории иқтисодӣ баррасӣ гардид
Дар Кумитаи хоҷагии манзилию коммуналӣ бахшида ба Рӯзи Президент чорабинии тантанавӣ баргузор гардид
Дар шаҳри Панҷакент маркази хизматрасонӣ ва тарабхона ба истифода дода шуд
Дар Кӯлоб барои омодагӣ ба ҳолатҳои фавқулода ҷаласа доир шуд
Бахшида ба Рӯзи Президент дар шаҳри Бӯстон Рӯзи дарҳои кушод доир гардид
ПАНҶАКЕНТИ ҚАДИМ. Оид ба омӯзиши он конференсияи илмӣ баргузор шуд
Дар шаҳри Панҷакент фаъолияти корхонаҳои саноатӣ тақвият меёбад






