Занони Хатлон ба сафир аз фаъолияту зиндагии худ нақл карданд

Душанбе, 12.11.15. (АМИТ «Ховар»). – Сафири Британияи  Кабир  дар  Тоҷикистон Ҳю Филпотт дар  доираи  лоиҳаи «Некӯаҳволӣ  ва  таъсири  занон» — и  Бунёди  наҷоти  кӯдакон ба  ноҳияҳои  Вахш  ва  Хуросони  вилояти  Хатлон  сафар  кард. 
Сафир   дар  ҷараёни  сафараш  бо  занони  маҳаллӣ  мулоқот  анҷом  дода,  бо  лоиҳаҳои  марбут  ба  беҳдошти   шароити  манзилӣ  ва   сатҳи  зиндагӣ  дар ноҳияҳои  мазкур   шинос  шуд.
Ҳю Филпотт  дар  водии  Вахш аз  коргоҳи  дӯзандагӣ, ки дар  он  беш  аз  100  нафар  занон   кор  мекунанд, боздид  намуд. Занони  коргоҳ  ба  меҳмон аз  фаъолияти  худ бо  камоли  ифтихор   нақл  карданд. 
Сафир ҳамчунин  дар  ноҳияи  Хуросон бо  омӯзгорону  хонандагони  мактаби №50  суҳбат  намуд.