Аҳли қалам дар меҳмонии сарбозон
Душанбе, 29.12.2015. (АМИТ «Ховар»). — Бо ташаббуси роҳбарияти Вазорати корҳои дохилӣ вохӯрии адибону олимон ва ҳунармандону санъаткорон бо сарбозону афсарони қисмҳои низомии қӯшунҳои дохилии Вазорати корҳои дохилӣ ба ҳукми анъана даромадааст.
Чунин як мисоли равшан ин вохӯрии аҳли қалам ва эҷодкорону ҳунармандон бо сарбозону афсарони қисми низомии 3501-и қушӯнҳои дохилии ВКД воқеъ дар шаҳри Хуҷанд мебошад. Баланд бардоштани маърифати адабӣ, огоҳ намудан аз мероси пурғановати ниёгон ва муосири адабиёт, мавқеи Президенти Ҷумҳурии Тоҷикистон ва Пешвои миллат Эмомалӣ Раҳмон дар ҳалли масоили геополитикии минтақа ва ҷаҳон ва тарғиби арзишҳои милливу аҷдодӣ аз мавзӯҳои меҳварии вохӯрии аҳли зиё бо сарбозону афсарони қисми низомии 3501 ба ҳисоб рафт.
Дар чорабинии мазкур раиси шаҳри Хуҷанд Раҷаббой Аҳмадзода, роҳбарияти Раёсати ВКД дар вилояти Суғд, намояндагон аз Кумиҷроияи вилоятии Ҳизби халқӣ-демократии Тоҷикистон ва як гурӯҳ шоирону нависандагон ва ҳунармандону санъаткорон иштирок намуданд.
Раиси шаҳри Хуҷанд Раҷаббой Аҳмадзода сарбозону афсаронро ба муносибати фарорасии Соли нав табрик намуда, аз шароиҳои муҳайёнамудаи Ҳукумати кишвар дар даврони соҳибистиқлолӣ барои сарбозону афсарон ёдовар гардид. Илова намуд, ки маҳз бо дастгирии бевоситаи Пешвои миллат Эмомалӣ Раҳмон бинои тозабунёди қисми низомии 3501 бо тамоми лавозимоти маишиву фаннӣ ва ҳарбиву ҷангӣ мавриди истифода қарор дода шуд, то ки ҷавонони ватандӯсту матиниродаи кишвар дар чунин шароит баҳри дифои марзу буми кишвари аҷдодӣ камари ҳиммат банданд.
Бояд илова намуд, ки маҳз бо дарки амиқи масъалаи мазкур дар арафаи ҳар як ҷашну маросими миллӣ, раиси шаҳри Хуҷанд бо дастовези идона ба қисми низомии мазкур ташриф оварда, пайваста аз аҳволу шароити зиндагии сарбозон дидан мекунад.
Дар идомаи маҳфил як гурӯҳ нависандагону шоирон аз эҷодиёти хеш назди ҳозирин суханронӣ намуда, бо сарбозон маҳфили саволу ҷавобро барпо намуданд.
Дар соҳили Сирдарёи шаҳри Хуҷанд шиногоҳи нав ба истифода дода шуд
«ВАҲДАТИ МИЛЛӢ — АСОСИ ШУКУФОИИ ВАТАН». Таҳти ин унвон конференсияи ҷумҳуриявӣ баргузор шуд
Ҷавонони Тоҷикистон дар Форуми 6-уми «Сарварони ҷавони эҷодкори Осиёи Марказӣ ва Русия» иштирок менамоянд
РӮЗИ ХИЗМАТЧИИ ДАВЛАТӢ. Дар Тоҷикистон ташкили ин ниҳод яке аз дастовардҳои давраи соҳибистиқлолӣ мебошад
Байни Тоҷикистон ва Қирғизистон Ёддошти тафоҳум оид ба ҳамкорӣ дар соҳаи ҳуқуқи инсон ба имзо расид
Форуми ҷумҳуриявии «Маърифати ҳуқуқӣ — омили рушди давлати ҳуқуқбунёд» доир мегардад
Душанбе мизбони Форуми марказҳои таҳлилии «Осиёи Марказӣ ва Ҷумҳурии Корея» мегардад
Дар Тоҷикистон дар даҳ сол як маротиба барӯйхатгирии аҳолӣ ва фонди манзил гузаронида мешавад
Дар Ховалинг соҳибкорон аз хонаводаҳои Каримовҳо ва Одинаевҳо барои ятимону маъюбон осоишгоҳ сохтанд
Барои гирифтор нашудани кӯдакон ба бемории дарунравӣ чӣ бояд кард?
«ПЕШВОИ МИЛЛАТ – ТАШАББУСКОР ВА ТАҲКИМБАХШИ СУЛҲУ ВАҲДАТИ ҶАҲОНӢ». Дар Душанбе конференсияи ҷумҳуриявӣ баргузор шуд
ОГОҲӢ! Аз 19 то 22 июн дар баъзе минтақаҳои Тоҷикистон омадани селҳои хусусияти маҳаллидошта пешгӯӣ мешавад
