Қаҳҳор Маҳкамов: «Эмомалӣ Раҳмон ба ҷанги шаҳрвандӣ хотима бахшид»

Душанбе, 18.12.2015.(АМИТ «Ховар»).- Имрӯз дар иҷлосияи чоруми Маҷлиси Миллии Маҷлиси Олии Ҷумҳурии Тоҷикистон даъвати панҷум нахустин Президенти Тоҷикистон Қаҳҳор Маҳкамов маърӯза кард. Узви фаъоли Маҷлиси Миллии  Маҷлиси Олии Ҷумҳурии Тоҷикистон Қаҳҳор Маҳкамов зимни баррасии Қонуни Ҷумҳурии Тоҷикистон «Дар бораи Асосгузори сулҳу ваҳдати миллӣ-Пешвои миллат» гуфт, ки: «Ин қонун қонуни таърихӣ аст ва дар давоми ҳазор сол баъди давлатдории Сомониён тоҷикон  давлат надоштанд. Соли 1991 Тоҷикистон ба истиқлолдият расид, вале душманони ин миллат  мамлакатро ба ҷанги бемаънии шаҳрвандӣ кашиданд. Маҳз Эмомалӣ Раҳмон ба ин ҷанг хотима бахшид. Сарвари давлати тоҷикон ҳоло ба корҳои бузургтарин даст задааст, ки амалишавии ин лоиҳаҳо Тоҷикистонро ба сӯи ободию пешрафт мебарад. Бунёди садҳо километр роҳҳо,   хаттҳои  барқ, сохтмони  корхонаҳои саноатӣ ва манзилҳои замонавӣ далели ин гуфтаҳоянд».