Ҳамоиш: “Терроризм ва экстремизм-зуҳуроти хатаровар”
Душанбе, 22.12.2015. (АМИТ «Ховар»).-Дар факултети физикаю техникии Донишгоҳи давлатии Хуҷанд ба номи академик Б. Ғафуров чорабинии тарбиявӣ бахшида ба қабул гардидани Қонуни ҶТ “Дар бораи Асосгузори сулҳу ваҳдати миллӣ-Пешвои миллат” ва роҷеъ ба масъалаҳои терроризму ифротгароӣ бо иштироки прокурори калони шуъбаи назорати судии прокуратураи вилояти Суғд, мушовири адлия Фаррух Абдулло, мудирони кафедраҳо, устодон ва донишҷӯён баргузор гардид.
Дар чорабинӣ декани факултети физикаю техника Раҳим Назаров доир ба ҷонибдорӣ гардидани Қонуни ҶТ “Дар бораи Асосгузори сулҳу ваҳдати миллӣ-Пешвои миллат” маълумот дод.
Шавкат Шарипов, дотсенти кафедраи таърихи ватани факултети таърих ва ҳуқуқ аз хидматҳои шоёни Президенти кишвар дар тӯли 24-соли мавҷудияти Ҷумҳурии соҳибистиқлоли Тоҷикистон ҳарф зада, иброз намуд, ки маҳз бо саъю талош, кӯшишҳои суботкоронаи фарзанди фарзонаи миллат Тоҷикистони мо аз вартаи нобудшавӣ раҳоӣ ёфта, имрӯзҳо дар радифи мамлакатҳои рушдёфтаи ҷаҳон қарор дорад.
Фаррух Абдулло, прокурори калони шуъбаи назорати судии вилояти Суғд зикр намуд, ки пешгирии ҳар гуна ҷиноятҳои номатлуб, шомил шудани ҷавонон ба ҳар гуна ҳизбу ҳаракатҳои ғайриқонунӣ, пешгирии онҳо аз амалҳои террористиву ифрротгароӣ ва ба роҳи рост ҳидоят кардани ҷавонон вазифаи ҳар як фарди солим аст. Дар маърӯза таҳти унвони “Терроризм ва экстремизм-зуҳуроти хатаровар” роҷеъ ба фаъолияти мақомоти прокуратураи вилояти Суғд дар роҳи мубориза бар зидди ҳар гуна зуҳуроту амалҳои номатлуб аз ҷониби ҷавонон ва пешгирии ин ҳодисаҳо бо далелҳои мушаххас маълумот пешниҳод гардид.








МегаФон Тоҷикистон: МегаҚувва гигабайтҳоро дучанд менамояд
Имрӯз дар водиҳои Тоҷикистон ҳаво то 22 дараҷа гарм мешавад
Ҳамкории Тоҷикистон ва Созмони ҳамкории иқтисодӣ баррасӣ гардид
Дар Кумитаи хоҷагии манзилию коммуналӣ бахшида ба Рӯзи Президент чорабинии тантанавӣ баргузор гардид
Дар шаҳри Панҷакент маркази хизматрасонӣ ва тарабхона ба истифода дода шуд
Дар Кӯлоб барои омодагӣ ба ҳолатҳои фавқулода ҷаласа доир шуд
Бахшида ба Рӯзи Президент дар шаҳри Бӯстон Рӯзи дарҳои кушод доир гардид
ПАНҶАКЕНТИ ҚАДИМ. Оид ба омӯзиши он конференсияи илмӣ баргузор шуд
Дар шаҳри Панҷакент фаъолияти корхонаҳои саноатӣ тақвият меёбад






