Б.Обама: ДИ дар Ироқ қариб 40% ҳудуди таҳти назораташбударо талаф дод

Душанбе, 15.12.15. (АМИТ «Ховар»). — Гурӯҳи  террористии «Давлати  исломӣ» аз тобистон инҷониб  дар  Сурия ва  Ироқ  ягон  амалиёти  муваффақонаи рӯизаминиро  рӯи  кор  наоварда, қариб  40 %  ҳудуди қаблан  таҳти назораташбударо  талаф дод,  изҳор  дошт  президенти  ИМА  Барак  Обама зимни  суханронӣ  аз рӯи  натоиҷи  ҷаласаи Шӯрои  миллии  амният  дар  Пентагон. 
Б.Обама  афзуд, ки ДИ қариб 40  фоизи  ҳудуди  дар  Ироқ таҳти назораташбударо  аз  даст  дод. Вале ин  мубориза барои  қувваҳои эътилоф осон  нест,  гуфт  Б.Обама. 
«Ин муборизаи   ҳамоно мураккаб  аст. Тавре  ки аз ин  пеш  гуфта  будам, ДИ дар  шаҳрҳо мавқеъ  гирифта, онҳо (террористон) дар  паси сокинони  осоишта пинҳон  шуда, мардон,  занон ва  кӯдаконро ба  ҳайси сипарҳои  зинда истифода  мебаранд», — гуфт  президент.