Барраси масоили танзими анъана ва ҷашну маросимҳо дар ҳузури муовини сарвазир

Душанбе, 19.12.2015. (АМИТ «Ховар»). -Дирӯз дар назди муовини сарвазири мамлакат Марҳабо Ҷабборӣ доир ба рафти иҷрои Қонуни Ҷумҳурии Тоҷикистон «Дар бораи танзими анъана ва ҷашну маросимҳо дар Ҷумҳурии Тоҷикистон» дар соли 2015 ва вазифаҳо барои соли 2016 маҷлис доир гардид.
Дар рафти маҷлис зикр гардид, ки Кумита оид ба корчхои дин, танзими анъана ва ҷашну маросимҳои миллии назди Ҳукумати Ҷумҳурии Тоҷикистон дар самти иҷрои талаботи қонуни мазкур корҳои зиёдеро анҷом дод. Аз ҷумла, кормандони Кумита дар ин самт дар вилоятҳо ва шаҳру ноҳияҳо зиёда аз 55 семинар ва мулоқотҳо гузарониданд.
Аз ҷониби кормандони дастгоҳи марказии Кумита дар соли ҷорӣ 69 ҳолати қонуншиканӣ ошкор гардида, беш аз 80 ҳолати содир намудани қонуншиканӣ бо роҳи фаҳмондадиҳӣ пешгирӣ карда шуд. Дар ин давра онҳо 80 маротиба рейд гузаронида, рафти беш аз 700 маъракаи шаҳрвандонро назорат намудаанд.