Дар Индонезия гурӯҳи ифротталабон дастгир шуд

Душанбе, 21.12.15. (АМИТ «Ховар»). — Пулиси  Индонезия   шаш нафар  ифротталабони  аъзои «Давлати  исломӣ» — ро, ки ба  амалиёти террористӣ  дар  ҷазираҳои Ява  ва  Суматра  тайёрӣ  медиданд,  дастгир намуд. Мувофиқи  маълумоти  рӯзномаи The Jakarta Giobe,  шаби рӯзи шанбе  дастаи   зиддитеррористии  пулиси  миллӣ Абу  Карим ном сокини  музофоти  Яваи Ғарбиро  дастгир  намуд.  Дар мақомоти ҳифзи  ҳуқуқ  тахмин  мекунанд, ки  номбурда  ба  гурӯҳи  ифротталабоне  дохил  буд, ки  ба   амалиётҳои  ҳарбӣ тайёрӣ  медиданд. Аз  манзили   шахси  дастгиршуда мавод  барои  сохтани  асбобҳои  тарканда  пайдо гардид. 
«Вақтҳои охир   шаш  нафар  бо  гумонбари омодагирӣ  ба  таркишҳо  дар ҷазираҳои Ява  ва  Суматра  ба ҳабс  гирифта  шуданд. Хушбахтона, ба  мо  муяссар  шуд, ки  онҳоро   пеш  аз  содир намудани чунин  вайронкориҳо  дастгир  намоем.  Онҳо  иборат  аз  гурӯҳи   муштараканд,  ки  аъзояшон ба  ДИ   иртибот доранд»,  — хабар  дод ба  рӯзнома  манбаи  иқомоти   ҳифзи  ҳуқуқ.
Мувофиқи  маълумоти  агентии  иктишофии Индонезия, вақтҳои охир аз Сурия  ва  Ироқ  беш  аз  100  нафар  ҷонибдорони  ДИ  ба қаламрави  ҷумҳурӣ баргаштаанд,  хабар  медиҳад  ТАСС.