Файзобод: Файзия Қодирова бо сарфи 70 ҳазор сомонӣ кӯпруки деҳаи Бобои Валиро навсозӣ кард
Душанбе, 29.12.2015. (АМИТ «Ховар»). — Файзия Қодирова, сокини ноҳияи Файзобод аз ҳисоби пасандозҳои захиракардаи худ ва ёрдами писаронаш нияти зиёрати хонаи Худовандро дошт. Баъд аз андешаву мулоҳизаҳои дуру дароз, ӯ азм намуд, ки ин маблағро ба кори хайре сарф кунад. Номбурда ҳангоми ба меҳмонӣ рафтан ба хонаи духтараш Мавҷигул Назарова, ки дар деҳаи Бобои Валӣ зиндагӣ мекунад, медид, ки кӯпруке, ки роҳи ин деҳаро бо роҳи асосӣ пайваст менамояд, фарсудаю хатарнок гардидааст ва мардум бо душвории зиёд аз болои он мегузаранд.
Баъди ҳисобу китоб маълум шуд, ки барои пурра навсозии ин кӯпрук 70 ҳазор сомонӣ сарф мешавад. Писарони Файзия Қодирова — Маҳмаёру Худоёр, Худойдоду Диловар ва Абдулфаттоҳ ба болои маблағҳои ҷамъкардаи модар боз маблағ зам намуда, кӯпруки деҳаи Бобои Валиро, ки аз болои дарёчаи Элок мегузарад, аз нав барқарор намуданд.
Дар як муддати кӯтоҳ кӯпрук пурра навсозӣ гардида, дар хизмати мардум қарор гирифт.
Муассисаҳои буҷетии ноҳияи Тоҷикобод бо ангишти кони Камароб пурра таъмин карда шуданд
Имрӯз дар Тоҷикистон ҳаво то 27 дараҷа гарм мешавад
Сафири Тоҷикистон дар Амрико дар Форуми сатҳи баланд иштирок намуд
ОМОДАГӢ БА ЗИМИСТОН. Иншооти соҳаҳои маориф ва тандурустии шаҳри Роғун бо ангишт, ҳезум ва сӯзишворӣ таъмин мебошанд
Дар Данғара даври ноҳиявии Озмуни ҷумҳуриявии «Беҳтарин хизматчии давлатӣ аз ҳисоби занон» доир гардид
Дар шаҳри Гулистон иншооти нави иҷтимоӣ ба истифода дода шуд
Имрӯз мардуми Мамлакати Шоҳигарии Арабистони Саудӣ 96-солагии ҷашни миллияшонро таҷлил менамоянд
Аз 23 то 25 сентябр дар баъзе минтақаҳои Тоҷикистон омадани сел пешгӯӣ мешавад
