Ифротгароёни ДИ аз июни 2014 то имрӯз қариб 850 занро дар Мосул куштаанд
Душанбе, 28.12.2015 (АМИТ «Ховар»).- Пайравони гурӯҳи террористии «Давлати исломӣ» аз оғози тасарруфи дуввумин шаҳри калонтарин дар Ироқ — Мосул дар моҳи июни соли 2014 то ин дам тақрибан 850 занро куштаанд.
Ин маълумотро рӯзи якшанбе Раёсати полиси музофоти Найнаво, ки маркази маъмурияш Мосул аст, дар гузориши махсус нашр кардааст.
«Аз оғози тасарруфи шаҳри Мосул 837 зан қурбони кушторҳои террористони ДИ шудаанд», — омадааст дар гузориш.
Бино ба иттилои сардори Раёсати полиси ин музофот Зенун ас-Сабауи ин шумора танҳо нафарони кушташудаеро, ки дар сардхонаи нигаҳдории ҷасадҳои шаҳр ба қайд гирифта шудаанд, дар назар дорад.
Ба гуфтаи ӯ, аксари занҳои кушташуда касбу кори дунявӣ доштанд.
Ёдовар мешавем, ки дуюмин калонтарин шаҳр дар Ироқ — Мосул рӯзи 10 июни соли гузашта аз ҷониби ДИ ишғол шуда буд. Ҳоло озод намудани Мосул аз ҳадафҳои аслии амалиёти неруҳои ҳукуматӣ ва ихтиёриён бар зидди террористони ДИ мебошад.
Филиали Донишгоҳи миллии таҳқиқотии технологӣ «МИСИС»-ро 127 донишҷӯ хатм намуд
ҶАМЪБАСТИ НИШАСТҲОИ МАТБУОТӢ. 14 август дар Филиали Донишкадаи энергетикаи Москва дар шаҳри Душанбе нишасти матбуотӣ доир мегардад
Тоҷикистон ва Ҷопон ҳамкориро дар соҳаи энергетика ва захираҳои об густариш медиҳанд
15 хатмкунандаи Филиали Донишкадаи рушди менеҷменти Сингапур тибқи стандартҳои таълимии Британияи Кабир соҳиби дараҷаҳои магистрӣ шуданд
ПАНҶСОЛАИ РУШДИ САНОАТ. Дар ноҳияи Рашт 10 коргоҳи истеҳсолию корхонаи саноатӣ ба истифода дода мешавад
Ғолибони даври дуюми Озмуни ҷумҳуриявии «Тоҷикистон — Ватани азизи ман» муайян гардиданд
Бонки миллии Тоҷикистон аз паҳн гардидани боз як навъи қаллобӣ ҳушдор медиҳад
Дар Бохтар оид ба кам кардани талафоти неруи барқ ҷаласа доир гардид
Ҷалби сармояи Чин ба соҳаҳои афзалиятноки иқтисоди Тоҷикистон баррасӣ гардид
Имрӯз дар шаҳри Душанбе ҳаво то 40 дараҷа гарм мешавад
