Иштироки ҷавонон ва донишҷӯёни кишвар дар тартиботи ҷамъиятӣ ва мубориза бар зидди ҷинояткорӣ

Душанбе, 14.12.2015. (АМИТ «Ховар) — 18- 19-уми декабри соли 2015 бо ташаббуси Вазорати корҳои дохилӣ дар якҷоягӣ бо Кумитаи ҷавонон, варзиш ва сайёҳии назди Ҳукумати Ҷумҳурии Тоҷикистон дар «Кохи Лоҳутӣ»-и шаҳри Қурғонтеппа конфронси ҷумҳуриявӣ дар мавзӯи «Иштироки ҷавонон ва донишҷӯёни кишвар дар тартиботи ҷамъиятӣ ва мубориза бар зидди ҷинояткорӣ» бо иштироки васеи ҷавонону донишҷӯён аз тамоми манотиқи кишвар баргузор мегардад.
Дар семинар намояндагони мақомоти ҳифзи ҳуқуқ, вазоратҳои меҳнат, муҳоҷират ва шуғли аҳолӣ, маориф ва илм, кумитаҳои ҷавонон, варзиш ва сайёҳӣ, кор бо занон ва оила, оид ба корҳои дин ва танзими ҷашну маросим, дружиначиёни ихтиёрӣ ва кормандони ғайриштатии милитсия иштирок менамоянд. 
Барои инъикоси ҷараёни семинар намояндагони воситаҳои ахбори омма даъват гардидаанд.