Кӯлоб: Истеҳсоли орд афзоиш меёбад

Кӯлоб, 02. 12. 2015. (АМИТ «Ховар») — Корхонаи коркарди орди шаҳри Кӯлоб соли 2013 бо таҷҳизоти ширкати «Эркан»-и Туркия таҷҳизонида шуда, ҳоло дар ин корхона навъҳои беҳтарини орд истеҳсол ва пешниҳоди сокинон гардонида мешаванд. Ба  гуфти Ҷамшед Амиров, директори корхона  дастгоҳҳои судакунанда мунтазам фаъолият доранд. Ҳоло се дастгоҳи судакунанда орди навъи якум ва се дастгоҳи дигар  орди навъи дуюм истеҳсол мекунанд. Корхона пурра бо тарзи муосир аз тариқи компютерҳо идора мешавад. Дар анбори корхона миқдори зиёди гандум ва маҳсулоти тайёр захира  шудааст. Барои бо нархи арзон ба фурӯш баровардани маҳсулот якчанд мағоза ва нуқтаҳои савдо низ фаъол мебошанд. Маҳсулоти корхонаро бо нархи аз бозор арзонтар ба савдо бароварда шудааст.